මෙම පිරිසෙන් බහුතරය සුපිරි මහල් නිවාස හා සුපිරි නිවාසවල පදිංචිකරුවන් වන අතර ඡන්ද හිමි නාමලේඛන පෝරම පුරවා නිසි කලට භාර නොදීම හා ඒ පිළිබඳව අවධානය යොමු නොකිරීම නිසා මේ තත්ත්වය උද්ගතව ඇති බව හෙතෙම කීය.
ඡන්ද හිමි නාමලේඛන ප්‍රතිශෝධන කාලසීමාවේදී අදාළ පෝරම භාර ගැනීමට හෝ කිසිවෙක්‌ ඉදිරිපත් නොවන බවත් ඔවුන් ඒ පිළිබඳව ගණන් නොගන්නා බවත් කී ඒ මහතා තීරණාත්මක ඡන්ද විමසීමකදී ඡන්ද ප්‍රකාශ කිරීමට අවස්‌ථාව නොලැබුණු විට ඒ පිළිබඳ පැමිණිලි ඉදිරිපත් කරන බව පවසා තිබේ.
පැල්පත්, මුඩුක්‌කු ආශ්‍රිත ප්‍රදේශවල දහසකට අධික පිරිසකට ද ඡන්ද නාමලේඛන ගැන නිසි අවධානය යොමු නොකිරීම නිසා ඡන්ද ප්‍රකාශ කිරීමට ඉකුත් ජනපතිවරණයේදී නොහැකි වී ඇත.
ලබන නොවැම්බර් මාසයට පෙර පාර්ලිමේන්තු මහ මැතිවරණය පැවැත්වුවහොත් ඔවුන් සියලු දෙනාටම ඊට ද ඡන්ද ප්‍රකාශ කිරීමට නොහැකි වනු ඇත.
