මුළින් කෙරුණු යෝජනාව අනුව කේවල හා සමානුපාතික ක්‍රමයට පාර්ලිමේන්තු මන්ත්‍රීවරු 255ක් යෝජනා වුවත් අගමැතිවරයා ඉදිරිපත් කෙරුණු ක්‍රමය අනුව ඒ පවත්නා පරිදී මන්ත්‍රීවරු 225කට සීමා වී පවතී. කේවල ක්‍රමය යටතේ මන්ත්‍රීවරු 125ක් සමානුපාතික ක්‍රමයෙන් මන්ත්‍රීවරු 75ක් හා ජාතික ලැයිස්තුවෙන් මන්ත්‍රීවරු 25 වශයෙන් එම යෝජනාවේ සදහන්ව ඇත.

එමෙන්ම මෙම කැබිනට් මණ්ඩල සාකච්ඡාවට සහභාගී වූ නීති කෙ‍ටුම්පත් කිරීමේ දෙපාර්තමේන්තුවේ නියෝජිතයාට දින 4ක් ඇතුලත නව ක්‍රමය කෙ‍ටුම්පත් කරන ලෙසද ඇමැති මණ්ඩලය විසින් දන්වා තිබේ.

කෙසේ නමුත් ඉදිරි මහ මැතිවරණය පැරණි ක්‍රමයේ යටතේ පැවැත්වීමටත් ඉන් පසුව සෑම මැතිවරණයක්ම නව ක්‍රමය යටතේ පැවැත්විය යුතු බවට මැතිවරණ කොමසාරිස්වරයාට දැන්වීමටත් මෙහිදී එකඟතාවයකට පැමිණ ඇත.