ලේකම්වරයා වැඩිදුරටත් පවසන්නේ ඉරානයට යුරෝපයෙන් පනවා ඇති සම්බාධක හේතුවෙන් උමා ඔය ව්‍යාපෘතිය සඳහා මුදල් යෙදවීම අපහසු වී ඇති බවයි.
ශ්‍රී ලංකා රජයට රුපියල් මිලියන 400ක් පමණ මුදලක් මෙම ව්‍යාපෘතිය වෙනුවෙන් ගෙවීමට සිදු වේ. එම මුදල නොමැතිව සමාගමට කටයුතු පවත්වාගෙන නොහැකි බව බලධාරීන් පවසයි.
පසුගිය මාසයේ මධ්‍යම ඉංජිනේරු උපදේශක කාර්යංශය සහ තක්සේරු දෙප්‍රතමේන්තුව ඉදිරපත් කළ වාර්තාවන්ට අනුව මෙම ව්‍යාපෘතිය හේතුවෙන් නිවාස 1500 හානි සිදුව ඇති අතර වන්දි ලෙස රුපියල් මිලියන 200ක් ගෙවීමට සිදු තිබේ.
උමා ඔය ව්‍යාපෘතිය සඳහා ඇස්තමේන්තු ගත මුදල ලෙස සඳහන් වන්නේ ඇමරිකානු ඩොලර් මිලියන 529ක මුදලකි. මේ මුදලින් සියයට 15ක මුදලක් ලංකාව දැරීමට නියමිතව තිබූ අතර ඉරානය ඇමරිකානු ඩොලර් මිලියන 450ක් දැරීමට එකඟ විය.
කෙසේවෙතත් බලධාරීන් පවසන්නේ පසුගිය රජය සමයේ උමා ඔය ව්‍යාපෘතිය සඳහා ඇස්තම්නේතු ගත මුදල සැබෑ ප්‍රමාණයට වඩා දෙගුණ කර ඇති බවයි. ව්‍යාපෘතිය බාරව කටයුතු කරන ඉරාන සමාගම මේ සඳහා ඇමරිකානු ඩොලර් මිලියන 225ක් වැය වෙතැයි ගණන් බලා තිබුණු බව පැවසේ.
