දින සියය සහන වැඩසටහන යටතේ ගර්භණී මව්වරුන්ට රු 20,000 ක පෝෂණය ලබා දීමේ වැඩසටහන යටතේ ශ්‍රී ජයවර්ධනපුර කෝට්ටේ පැගිරිවත්ත විවේකාරාමයේ අද(09) පැවති උත්සවය අමතමින් නියෝජ්‍ය අමාත්‍යවරයා මේ බව පැවසුවේය.
කිසිදු භේදයකින් හෝ නිර්ණායකයකින් තොරව පෝෂණ මල්ලේ අවශ්‍යතාවය අැති සෑම මවකට මෙම සහනය ලබා ගත හැකි බව නියෝජ්‍ය අමාත්‍යවරයා අවධාරණය කළේය.
ඉදිරියේදී පෝෂණ මල්ලක් ලබා දීම වෙනුවට මුදල් හුවමාරු ක්‍රමයක් ඔස්සේ අවශ්‍ය දේ ලබා ගැනීමට අවස්ථාව සැලසීම පිළිබදව අවධානය යොමු කර අැති බවත් ඒහිදී මුදල් ලබා දීමෙන් වෙනත් දේ සදහා එය භාවිතා කරනු අැති බවට විවේචන එල්ල වූවත් ගැඹිනි මව්වරුන් කිසිවිටකත් දරුවන්ට හැර වෙනත් දෙයකට ප්‍රමුඛත්වය නොදෙන බවට තමා විශ්වාස කරන බවත් අමාත්‍යවරයා පැවසුවේය.
සෑම පවුලකටම නිවසක් තිබීම වැදගත් බවත් එක් නිවසක් තුළ පවුල් කිහිපයක් වාසය කිරීමට සිදුව තිබීම නිසා පෞද්ගලිකත්වය පිළිබදව ගැටලු අැති වන සදහන් කරමින් අමාත්‍යවරයා පැවසුවේ නිවාස ප්‍රශ්නය විසදීමට ඉදිරියේදී කටයුතු කරන බවයි.
පවුලක් ලෙස ජීවත් වීමට අාර්ථික පරිසරයක් තිබිය යුතු බවත් වත්මන් අාණ්ඩුව එ් අාර්ථික පරිසරය සකස්කිරීමට උත්සහ කරන බවත් ඉපදීමට සිටින දරුවා ගැන පවා සිතා සේවය සලසන බවත් පැවසුවේය.
මෙම අවස්ථාවට ශ්‍රී ජයවර්ධනපුර කෝට්ටේ ප්‍රාදේශීය ලේකම් අමල් එදිරිසූරිය මහතා අැතුළු පිරිසක් සහභාගී වූහ.
සම්පූර්ණ හඩපටයට පහතින් සවන්දෙන්න
{soundcloud}https://soundcloud.com/lankadaily/harsha2015-06-09-104825{/soundcloud}
ඡායාරූප-නිශාන්ත ප්‍රියදර්ශන
