2007 වර්ෂයේදී ඇමරිකානු ඩොලර් මිලියන 307 ක ණයක් ලබාගෙන ඇති අතර, ඊට වසර 15 ක් යනතුරු 6.3% ක පොළියක් ස්ථාවරව ගෙවිය යුතු යැයි හිටපු මුදල් අමාත්‍යවරයාද වූ හිටපු ජනාධිපතිවරයා කැබිනට් පත්‍රිකාවක් ඉදිරිපත් කර තිබේ. මේ නිසා අද දවසේ අදාළ පොළී අනුපාතිකය 0.4% ට පහත වැටී ඇතත්, 6.3% ක පොළියක් අඛණ්ඩව ගෙවීමට සිදුවීමෙන් අධික පාඩුවක් සිදුවී ඇති බවයි ප්‍රතිපත්ති සම්පාදන හා ආර්ථික කටයුතු නියෝජ්‍ය අමාත්‍ය ආචාර්ය හර්ෂ ද සිල්වා කියා සිටියේය.

මේ අතර, පසුගිය පාලන සමයේ රාජ්‍ය බැංකු 3 කින් මාර්ග සංවර්ධන අධිකාරිය රුපියල් මිලියන 96 474 ක ණයක් පාර්ලිමේන්තුවේ අනුමැතියකින් තොරව ලබාගෙන ඇති බවද අද පාර්ලිමේන්තුවේදී අනාවරණ විය.

හිරු ඇසුරෙනි