ජනාධිපති ලේකම් කාර්යාලයේදී සන්ධාන පාර්ලිමේන්තු මන්ත්‍රීවරුන්ගේ රැස්වීම අද පැවැත්වුණේ ජනාධිපති මෛත්‍රීපාල සිරිසේනගේ ප්‍රධානත්වයෙනි. එහිදී ජනාධිපතිවරයා ඉල්ලා ඇත්තේ 19 වන ව්‍යවස්ථා සංශෝධනයට සහය ලබාදුන් අයුරින් විසිවන සංශෝධනයටත් සන්ධානයේ සහය ලබාදෙන ලෙසය. ඊට අදාළ සංශෝධන ඉදිරිපත් කර පාර්ලිමේන්තුවේදි අවසන් තීරණයක් ගත හැකි බව එහිදී ජනාධිපතිවරයා මන්ත්‍රී කණ්ඩායමට ප්‍රකාශ කළේය.
මේ අතර එක්සත් ජාතික පක්ෂ පාර්ලිමේන්තු කණ්ඩායම් රැස්වීමද අද අග්‍රාමාත්‍ය රනිල් වික්‍රමසිංහගේ ප්‍රධානත්වයෙන් පාර්ලිමේන්තුවේදී පැවැත්විය. එහිදීද විසිවන ව්‍යවස්ථා සංශෝධනය සම්බන්ධයෙන් දීර්ඝ ලෙස සාකච්ඡාකර තිබේ. ඊට අදාළව නම්‍යශීලී ප්‍රතිපත්තියක් අනුගමනය කිරීමට එක්සත් ජාතික පක්ෂ පාර්ලිමේන්තු මන්ත්‍රී කණ්ඩායම එකඟතාවකට පැමිණ ඇත.
