එසේම සැකකාර පළාත් සභා අමාත්‍යවරයා විසින් ප්‍රකාශ කළ බව කියන අදාළ ප්‍රකාශය ඇතුළත් වීඩියෝ පටයේ මුල් පිටපත සොයාගැනීම සඳහා මේ වන විටත් පරීක්ෂණ සිදු කරන බව රහස් පොලීසිය විසින් අධිකරණය හමුවේ ප්‍රකාශ කර ඇත.
තවද අදාළ සිදුවීම සම්බන්ධයෙන් වැඩිදුර පරීක්ෂණ සිදුකරන අවස්ථාවේදී ඩී.වී. උපුල් මහතා විසින් ජාතික හැඳුනුම්පත් දෙකක් භාවිතා කර ඇති බවත් ඔහු ගේ විදේශ ගමන් බලපත්‍රය අවධිමත් ආකාරයෙන් ලබාගත් එකක් බවත් අනාවරණය වී ඇති බව රහස් පොලීසිය විසින් අධිකරණය හමුවේ සඳහන් කර තිබේ.
මහින්ද රාජපක්ෂ මහතා අගමැති වූ විට මූල්‍ය අපරාධ විමර්ශන කොට්ඨාසයේ පොලිස් කොස්තාපල්ගේ සිට නියෝජ්‍ය පොලිස්පති දක්වා ගල් ගසා මරා දමන බවට සිදු කළ ප්‍රකාශයක් මත රහස් පොලීසිය විසින් පසුගිය 8 වන දින ප්‍රශ්න කිරීමෙන් පසුව අත්අඩංගුවට ගෙන කොළඹ මහේස්ත්‍රාත්වරයා වෙත ඉදිරිපත් කර තිබුණි.
