ඇතුල් කෝට්ටේ මැටි අම්බලම මංසන්දියේ පදික මාරුව කහ ඉර සහ පැරකුම්බා පිරිවෙන ඉදිරිපිට පදික මාරුව කහ ඉර මෙතෙක් ක්‍රියාත්මක නොවීම පිළිබදව අවධානය යොමු කරන ලෙස ඔහු අදාල නිලධාරීන්ට බල කර සිටී.
කෙසේ වෙතත් ඔහු මෙම විරෝධතාව සිදු කරන්නේ ලියාපදිංචි නොකළ ඔහුගේ පෞද්ගලික යතුරුපැදිය මතටවීය. ඔහුගේ යතුරුපැදියට මාර්ගයේ යන එන වාහනයකට තිබිය යුතු මූලික සුදුසුකම හෝ ඔහු සපුරා නොමැති බව පහත ඡායාරූප වලින් පැහැදිලි වනු ඇත. මන්ත්‍රීවරුන්ට යතුරු පැදි ලබා දී දැන් මාස ගණනක් ගතවූවත් එය ලියාපදිංචි කර ගැනීමට ඔහුට අවශ්‍යතාවක් නොමැති වී ඇත. තමන්ගේ මන්ත්‍රීකම භාවිතා කර වාහන පදවන්නන් නිසා සිදු වන අපහසුතා එමටය. ලියාපදිංචි නොකළ යතුරුපැදිය මත සිට කහ ඉර පිළීබදව බලධාරීන්ගේ අවධානය ඉල්ලීම විහිළුවකි.
මෙම ස්ථානයේ රැදී සිටි ගම් වැසියෙක් පවසා සිටියේ මන්ත්‍රීවරයාගේ මෙම ක්‍රියාකලාපය ඉදිරි මැතිවරණයේදී ඡන්ද ලබා ගැනීම සදහා වන සූදානමක ආරම්භය බවත් මාර්ග නීති කඩකරමින් අනිත් අයට බයිලා ගහන පුද්ගලයෙක් බවයි. මෙවැන්නන් පාර්ලිමේන්තුවට යැවීම පිළිබද සිතා බැලීමට මෙම සිදුවීමම ප්‍රමාණවත් බව තවත් පුද්ගලයෙක් පැවසුවේය.
