ජනාධිපති මෛත්‍රිපාල සිරිසේන මහතාගේ ප්‍රධානත්වයෙන් අද පෙරවරුවේ රැස්වූ කැබිනට් මණ්ඩල රැස්වීමේදී ඊට අදාළ අනුමැතිය හිමිව තිබේ.

අග්‍රමාත්‍ය රනිල් වික්‍රමසිංහ මහතා විසින් පසුගියදා කැබිනට් මණ්ඩලයට ඉදිරිපත් කළ නව මැතිවරණ ක්‍රමයක් හඳුන්වා දීම සඳහා වන යෝජනාව මගින් පාර්ලිමේන්තු මන්ත්‍රී ආසන 225 වැඩි නොකිරීමට යෝජනා කර තිබුණි.

නමුත් අද රැස්වූ කැබිනට් මණ්ඩලය ආසන මට්ටමින් මන්ත්‍රීන් 145ක් තෝරාගැනීම සඳහා කැබිනට් අනුමැතිය ලබාදෙමින් දැනට පවත්නා මන්ත්‍රී ආසන සංඛ්‍යාව 225 සිට 237 දක්වා වැඩි කිරීමට අනුමැතිය ලබාදී ඇත.

මෙතෙක් මහජන නියෝජිතයින් 225ට ඉඩ තිබූ පාර්ලිමේන්තුවට තවත් මන්ත්‍රීන් 12 දෙනෙකුට පිවිසීමේ අවස්ථාව මේ හරහා උදා වනු අැත.

කැබිනට් අනුමැතිය ලැබුණු 20 වන ව්‍යවස්ථා සංශෝධනය අද දිනයේ ගැසට් කිරීමට නියමිත බව පැවසේ.