20වන ආණ්ඩුක්‍රම ව්‍යවස්ථා සංශෝධන පනත් කෙටුම්පතේ ඉංග්‍රීසි පිටපත පමණක් මුද්‍රණය සඳහා ඊයේ (16)රාත්‍රීයේ මුද්‍රණාලය වෙත ලැබුණු බවත්,සිංහල හා දෙමළ පිටපත් මේ වන තෙක් මුද්‍රණය සඳහා ලැබී නොමැති බවත් රජයේ මුද්‍රණාලාධිපති ගාමිණී ෆොන්සේකා මහතා සඳහන් කළේය.
මේ හේතුවෙන් අදාළ පනත් කෙටුම්පත ප්‍රකාශයට පත්කර නොහැකි අතර සිංහල සහ දෙමළ පිටපත් ලැබුණ පසුව එය ප්‍රකාශයට පත්කරන බව ඔහු කියා සිටියේය.
20වන ආණ්ඩුක්‍රම ව්‍යවස්ථා සංශෝධනයට අදාළ පනත් කෙටුම්පත සඳහා පසුගිය සිකුරාදා පැවති විශේෂ කැබිනට් රැස්වීමකදී කැබිනට් අනුමැතිය හිමිවිය.
අනතුරුව එය නීති කෙටුම්පත් දෙපාර්තමේන්තුවට යොමු කරන ලදී.
