ඊට පෙර වගවීම හා ප්‍රතිසන්ධානය පිළිබඳව ශ්‍රී ලංකාව යාන්ත්‍රණයක් ආරම්භ කරනු ඇතැයි එක්සත් ජාතීන්ගේ මානව හිමිකම් කොමිසම බලාපොරොත්තුවෙන් පසුවන බවද එම මාධ්‍ය තවදුරටත් වාර්තා කළේය.
අදාළ යාන්ත්‍රණය විනිවිදභාවයකින් යුතුව සකස් කිරීම සඳහා මානව හිමිකම් කොමිසම හා ශ්‍රී ලංකා රජය සමීපව සාකච්ඡා පවත්වා තිබෙන බව එක්සත් ජාතීන්ගේ මානව හිමිකම් කොමසාරිස් සෙයිද් අල් හුසේන් කුමරු ප්‍රකාශ කළ බව විදෙස් මාධ්‍ය වාර්තා කළේය.
එසේම රජය විසින් සම්මත කරනු ලැබූ 19 වැනි ව්‍යවස්ථා සංශෝධනය නිසි පරිදි ක්‍රියාත්මක වුවහොත් ශ්‍රී ලංකාවේ ප්‍රජාතන්ත්‍රවාදය ගැන අලුත් බලාපොරොත්තුවක් ඇති කරගත හැකි බවද මහ කොමසාරිස්වරයා පවසා තිබේ.
පෙරේදා (15) ඇරඹි මානව හිමිකම් කොමිසමේ 29 වැනි සැසි වාරය අමතමින් ඔහු මෙම අදහස් දක්වා තිබේ.
(අද)
