ඔහු මේ බව පවසා සිටියේ අද (30) කොළඹ පැවති පස්අවුරුදු තාක්ෂණ ආයෝජන සැලැස්ම පිළිබඳ වාණිජ ප්‍රජාවගේ අදහස් ලබාගැනීම වෙනුවෙන් සංවාදයකට සහභාගි වෙමිනි.
වැඩි දුරටත් අදහස් දක්වමින් අමාත්‍යවරයා පෙන්වා දෙන්නේ අපනයන ආදායම හා ආණ්ඩුවේ ආදායම් වැඩි කර නොගතහොත් දේශීය හා විදේශීය ණය ගෙවීමට මෙරට දේපළ විකිණීමට සිදුවන බවයි.
මීට පෙර ණය ගෙවීම පිළිබඳ අර්බුදයකට මුහුණ පෑ යුක්රේනය, ඉතාලිය වැනි රටවල් එම ණයට හිලව් ලෙස සිය සාරවත් ඉඩම්, වරාය, දුම්රිය, විදුලිබලාගාර ආදියේ අයිතිය විදේශිකයන්ට ලබාදීමට සිදුවූ බවයි.
මේ හේතුවෙන් ණය ගෙවීම් පාලනය කර රටේ ආදායම හා අපනයන ආදායම වැඩි කරගැනීමට පියවර නොගතහොත් ශ්‍රී ලංකාවට ද එම ඉරණම අත්වනු ඇති බවද ඔහු පෙන්වා දුන්නේය.
