ජනවාරි 08 වන දා මෙරට ජනතාව පැහැදිලි ජනවරමක් ලබා දී මෛත්‍රීපාල සිරිසේන ජනාධිපතිවරයා සහ නව රජය පිහිටවූයේ නව පාලනයක් ඇති කිරීමට බවත් පැහැදිලි වැඩපිළිවෙලක් සහිතව මෛත්‍රීපාල සිරිසේන මහතා ජනාධිපතිවූ විට එජාප නායක රනිල් වික්‍රමසිංහ මහතා අගමැති වන බවත් ඒ සුසංයෝගයෙන් යහපාලනයක් ගෙනයන බවටත් ජනතාව දැනුවත්ව මේ ජනවරම ලබාදුන් බව පැවසුවේය.

මෛත්‍රීපාල සිරිසේන ජනාධිපතිවරයා සහ රනිල් වික්‍රමසිංහ අගමැතිවරයාගේ පිරිසුදු සුසංයෝගය අකර්මන්‍ය කිරීම සදහා මේ වන විටත් මැදමුලන පරාජිත කල්ලිය අසාර්ථක උත්සාහයක නිරතවන බව හෙතෙම කීවේය.

එලඹෙන මහ මැතිවරණයේදී ජනතාවට තමන් කැමති නියෝජිතයින් පත්කර ගෙන බහුතර ආණ්ඩුවක් පාර්ලිමේන්තුව තුළ ස්ථාපිත කර ගැනීමට හැකි බවත් එහිදී අද කෑගසන බොරු වීරයන්ට ජනතාවිශ්වාසය භංගවී ඇත්තේ කවුරුන් පිළිබදවද යන්න ප්‍රත්‍යක්ෂව බලා ගත හැකි වනු ඇති බවත් පැවසුවේය.

ව්‍යවස්ථා සංශෝධනයකට සූදානම් වන අවස්ථාවක ආණ්ඩුවට විරුද්ධව විශ්වාසභංග ගෙනවිත් එය කඩාකප්පල් කරන එකම රට ලංකාව පමණක් විය හැකි බවද ඔහු පැවසුවේය.

{soundcloud}https://soundcloud.com/lankadaily/gayantha2015-06-18-104205{/soundcloud}