ජනාධිපති ලේකම් කාර්යාලයේ වාහන සාවද්‍ය ලෙස පරිහරණය කිරීම සම්බන්ධයෙන් පොදු දේපළ පනත යටතේ කොළඹ කොටුව මහේස්ත්‍රාත් අධිකරණය විසින් සජින් වාස් ගුණවර්ධන මන්ත්‍රීවරයා රිමාන්ඩ් භාරයට පත්කරනු ලැබුවේය.
සජීන් වාස් මන්ත්‍රීවරයා වෙනුවෙන් පෙනී සිටි නීතීඥවරයා සඳහන් කළේ සජින් වාස් ගුණවර්ධන මන්ත්‍රීවරයා රෝගී තත්වයෙන් පෙළෙන බැවින් ඔහු ඇප මත මුදාහරින ලෙසයි.
එහිදී මන්ත්‍රීවරයාගේ සෞඛ්‍ය තත්වය පිළිබඳ පරීක්ෂණයක් සිදුකර වාර්තාවක් ඉදිරිපත් කරන ලෙස කොළඹ අධිකරණ වෛද්‍ය නිලධාරීවරයාට දැනුම්දෙන ලෙස කොළඹ මහාධිකරණය නීතිපතිවරයාට නියෝග කර ඇත.
පරීක්ෂණ වල ප්‍රගතිය දැක්වෙන වාර්තාවක් ලබන 03වනදා අධිකරණයට ඉදිරිපත්කරන ලෙස නීතිපතිවරයාට දැනුම් දුන් මහාධිකරණය එම වාර්තාව සලකා බැලීමෙන් අනතුරුව ඇප ලබාදීම පිළිබඳ තීරණය කරන බව ප්‍රකාශ කර අැත.
