ජනාධිපතිවරයා මේ බව ප්‍රකාශ කළේ ප්‍රශස්ත ජාතික ප්‍රතිපත්ති සඳහා වූ ව්‍යාපාරයේ සමාරම්භක අවස්ථාව අමතමින්ය.
ආණ්ඩු මාරුවූවාට ප්‍රතිපත්ති මාරු නොවීම වැදගත් බවත් ඒ සඳහා සියලු දේශපාලන පක්ෂ නායකයන්ගෙන් මේ ප්‍රශස්ත ජාතික ප්‍රතිපත්ති සඳහා වූ ව්‍යාපාරයට ප්‍රතිඥා ගතහැකිනම් වඩා හොඳ බවත් පැවසුවේය. මෙය යුගයේ අවශ්‍යතාවක් බවත් ඉන්දියාව වැනි රටවල් දෙස බලන කළ මෙය පැහැදිලි වන බවත් කීවේය.
'ඉන්දියාවේ කවදාවත් ආණ්ඩු වෙනස් වුණාට ජාතික ප්‍රතිපත්ති වෙනස් වෙන්නේ නෑ. හිතුවක්කාර විදිහට මැති ඇමතිවරුන්ට ප්‍රතිපත්ති හදන්න, රාජ්‍ය මුදල් පරිහරණයට අවස්ථාවක් නෑ. විය යුත්තේ ඒකයි'
යනුවෙන් ජනාධිපතිවරයා වැඩිදුරටත් ප්‍රකාශ කළේය.
