බැසිල් රාජපක්ෂට ජනාධිපතිවරණ සටනේදි සුළු ජාතික පක්ෂ කොටස් මෙන්ම රාජපක්ෂවරුන් සමඟ විරසකව සිටි කොටස්ද නැවත එක කරගනිමින් මැතිවරණ සටනට පණ පෙවීමට කටයුතු කළ නම්මුත් මහිද රාජපක්ෂවටා සිටි විමල් වීරවංශලා ගලබොඩත්තේ ඥානසාරලා විසින් දැඩි ජාතිවාදී හා උද්ද්ච්ඡ හා මුග්ධ මැතිවරණ ව්‍යාපාරයක් ගෙනයමින් පරාජය සහතික කර ගත් බව දේශපාලන විචාරකයන් විසින් පෙන්වා දී තිබිණි. මේ සඳහා නායකත්වය දුන්නේ නාමල් රාජපක්ෂ විසිනි.
රාජපක්ෂ පවුලේ සහ මහින්ද රාජපක්ෂට සහය දෙන ශ්‍රී ලනීප ප්‍රබලයන්ගේ මතය වී ඇත්තේ විමල්, උදය, දිනේෂ් ඈත් කර මැතිවරණ ව්‍යාපාරය ගෙන යායුතු බවය. මහින්ද රාජපක්ෂගේ නව ජෝතිෂ්‍ය වේදීයාවන වැල්ලවාය ප්‍රදේශයේ හිමිනමක විසින්ද මෙම කරුණ අවධාරණය කර තිබුණෙ ඉහත කී අයගේ පාපී ග්‍රහ යෝගයන් රාජපක්ෂ මහතාගේ කීර්ති නාමය කෙරෙහි දැඩිව බලපාන බවය. ඒ අනුව බැසිල් රාජපක්ෂ මහතාට නව දේශපාලන ක්‍රියාන්විතය මෙහෙයවීම බාරදිමට තීරණය වී තිබේ. එම තත්වය අනුව විමල් වීරවංශට බැසිල්ගේ මෙහෙයවීම යටතේ සුපුරුදු පරිදි ආවතේව වැඩ කිහිපයක් පමණක් ඉදිරියේදී පැවැරෙනු ඇත.
