කොළඹ කොටුව මුදල් අමාත්‍යාංශයේ ඊයේ (24) උදේ පැවැති විශේෂ මාධ්‍ය හමුවේදී ඇමැතිවරයා මේ කරුණු අනාවරණය කෙළේය.

වසර 2013 සිට “ලක් සතොස” “සතොස” සිදුවූ ගනුදෙනු පිළිබඳව විධිමත් විගණනයක් සිදුකොට නැතැයි ඇමැතිවරයා පෙන්වා දුන්නේය.

ඒ අනුව සතොස කටයුතු විධිමත් කිරීමට තමා වහාම නිසි විගණනයක් සිදුකරන මෙන් රජයේ විගණකාධිපතිවරයාගෙන් ඉල්ලීමක් කොට ඇතැයි ද ඇමැතිවරයා සඳහන් කෙළේය.

දැනට රටපුරා ක්‍රියාත්මක ලක් සතොස 305 ට අමතරව මේ වසර ඇතුළත දී අලුතින් තවත් ලක් සතොස 50 ආරම්භ කරන බවත් ඇමැතිවරයා කීය. ලක් සතොස විසින් සැපයුම්කරුවන්ට ගෙවිය යුතු මුදල්, බැංකුවලට ගෙවිය යුතු මුදල් හා මූල්‍ය හා පරිපාලන අඩුපාඩුකම් මත සිදුවූ පාඩුව විඳදරාගෙන නැවත ඊට ජීවය ලබාදීමට කේ. පී. එම්. ජී. (K.P.M.G.) ආයෝජකයෙකු කටයුතු කරන බව ද ඇමැතිවරයා කීය.

ලක් සතොස අලෙවිසැල්වල විකිණීමට ගත් ඇතැම් භාණ්ඩ නැවත විකිණීමට නොහැකි වී ඇතැයි ද, සැපයුම්කරුවන්ට මිලියන 3 ක මුදලක් ගෙවීමට ඇතැයි ද වාණිජ ඇමැතිවරයා පෙන්වා දුන්නේය.

ඊට අමතරව බැංකුවලට මිලියන 100 ක මුදලක් ගෙවීමට ඇතැයි ද ඇමැතිවරයා කීය. මේ සියලු පාඩු විඳදරා වුව, පාරිභෝගික ජනතාවට ගුණාත්මක හා තරඟකාරී මිල ගණන් යටතේ අත්‍යවශ්‍ය පාරිභෝගික භාණ්ඩ මිලදී ගැනීමට හැකි වටාපිටාව නව වෙළෙඳසැල් ජාලය විවෘත කිරීමෙන් පසු සිදුවනු ඇතැයි ඇමැතිවරයා විශ්වාසය පළ කෙළේය. මේ අවස්ථාවට සතොස සභාපති කිරාන් අතපත්තු මහතා ද එක්ව සිටි‍යේය.

dinamina