වත්මන් රජය විදේශ ප්‍රතිපත්තිය නිවැරදි මාවතකට ගෙන එමින්,යළි ත්‍රස්තවාදය හිස එසවීම වළක්වන තැනට කටයුතු කරමින් ,දෙමළ ජනතාවගේ විශ්වාසය දිනා ගැනීමට කටයුතු කරන විට සහ එදා ත්‍රස්තවාදී තුරුළට තල්ලු කර තිබූ දෙමළ විදේශ ගත කණ්ඩායම්,ඩයස්පෝරා කණ්ඩායම් සමග සාකච්ඡා කර යළි නොබෙදුනු එක්සත් ශ්‍රීලංකාවක් වෙනුවෙන් විශ්වාදය දිනා ගැනීමය කටයුතු කරන විට අන්තවාදීන් කලබල වී ඇති බව පැවසුවේය.

මෙතෙක් සිදු වූ පරිදි සිංහල අන්තවාදය දෙමළ අන්තවාදය පෝෂණය කළ අතර දෙමළ අන්තවාදය සිංහල අන්තවාදය පෝෂණය කළ බවත් ඔහු පැවසුවේය.දෙමළ අන්තවාදී සංවිධානයක් වනඔTransnational Government Of Tamil Eelam හි වී. රුද්‍රකුමාර් හා ජාතික හෙළ උරුමයේ පළාත් සභා මන්ත්‍රී නිශාන්ත ශ්‍රී වර්ණසිංහ යන අය අන්තවාදය නම් කාසියේ දෙපැත්ත බව අමාත්‍යවරයා සඳහන් කළේය.

යුද්ධය අවසන්ව ඇති මොහොතක ජාතිවාදය පරාජය කළයුතු යැයි ප්‍රකාශ කළද එවැන්නක් ඔවුන්ගේ හැසිරීම තුළින් නොපෙනෙන බව හෙතෙම පෙන්වා දුන්නේය.