මත්කුඩු ජාවාරම පිටුදැකීම සඳහා රජය මේ වන විට විධිමත් වැඩපිළිවෙළක් ආරම්භ කර තිබෙනන බවත් ඊට සියලූ පාර්ශ්වයන්ගේ සහය හිමිවිය යුතු බව ජනාධිපතිවරයා මෙහිදී අවධාරණය කළේය. මත්කුඩු ජාවාරමට සම්බන්ධ පුද්ගලයින්ට තරාතිරම නොබලා දඩුවම් ලබාදෙන බවද ජනාධිපති මෛත‍්‍රීපාල සිරිසේන මහතා මෙහිදී වැඩිදුරටත් කියා සිටියේය.
ව්‍යාපාරිකයින්ට කිසිදු බලපෑමකින් තොරව තම ව්‍යාපාරික කටයුතු නිදහසේ කරගෙන යෑමට අවශ්‍ය වටපිටාව සලසාදීම රජයේ ප්‍රතිපත්තිය බවත්, කෘෂීකාර්මික නිෂ්පාදන දෙස බැලීමේදී විශාල වශයෙන් විදේශ රටවලින් ආහාර මෙරටට ආනයනය කරන බැවින් ඉදිරි මාස දෙක තුන ඇතුළත එම ආහාර ද්‍රව්‍ය මෙරටදීම නිෂ්පාදනය කිරීමට අවශ්‍ය වැඩපිළිවෙළක් ක්‍රියාත්මක කරන බවත් ජනාධිපතිවරයා එහිදී වැඩිදුරටත් පෙන්වා දී තිබේ.
