දැනට වෙළෙඳපොළේ පවතින ක්ෂණික නූඞ්ල්ස් සාම්පල් කාර්මික තාක්ෂණ ආයතනයට යොමු කිරීමෙන් පසුව ලබාගත් විශ්ලේෂණ වාර්තාව සාකච්ඡාවට ගැනීමෙන් අනතුරුව සෞඛ්‍ය අමාත්‍යංශය එම තීරණයට එළඹ තිබේ.
පාරිභෝගිකයන්ගේ ආරක්ෂාව පිළිබඳ සැලකිල්ලට ගෙන එම තීරණය ගත් බව සෞඛ්‍ය අමාත්‍යංශය පත් කළ ආහාර උපදේශක කමිටුව නිවේදනය කරයි.ඒ අනුව මෙරටට ආනයනය කෙරෙන සියලූම නූඞ්ල්ස්වල ඊයම්, රසදිය, ආසනික් සහ කැඞ්මියන් යන බැර ලෝහ පිළිබඳ පරීක්ෂා කිරීමට නියමිතය.
දැනට වෙළෙඳපොලේ පවතින නූඞ්ල්ස්වල සාම්පල් ලබාගෙන ඒවායෙහි තත්වය පිළිබඳ තත්වය පරීක්ෂා කිරීමටයි ආහාර උපදේශක කමිටුව තීරණය කර ඇත.
පරිභෝජනයට නුදුසුදු ආකාරයට ඊයම් ප්‍රමාණය මිලි ග්‍රෑම් බින්දුවයි දශම තුනට වඩා ඉහළ ප්‍රතිශතයක් ඇත්නම් එම සියලූම නූඞ්ල්ස් වර්ග වෙළෙඳපොලෙන් ඉවත් කිරීමට තීරණය කර තිබේ. ඉන්දියාවේ නෙස්ලේ සමාගම විසින් නිෂ්පාදිත නූඞ්ල්ස්වල ඊයම් ප්‍රතිශතය ඉහළ බවට අනාවරණ වීමත් සමග එරට මැගී නූඞ්ල්ස් සියල්ල විනාශ කෙරුණි.
කෙසේ වෙතත් සෞඛ්‍ය අමාත්‍යංශය පෙන්වා දෙන්නේ ශ්‍රී ලංකාව ක්ෂණික නූඞ්ල්ස් ඉන්දියාවෙන් හෝ වෙනත් රටවලින් ආනයනය නොකරන බවත් මොනෝසෝඩියම් ග්ලූටමේට් රසායනිකය හැර සෙසු සියලූම අමුද්‍රව්‍ය මෙරටදීම නිෂ්පාදනය කරන බවය.
කාර්මික තාක්ෂණික ආයතනයේ වාර්තාව ලැබීමෙන් පසු එම නිර්දේශ අනුව මිනිස් සිරුරට හානිදායක මට්ටමින් යම් රසායනික ද්‍රව්‍ය එම නුඩ්ල්ස් සාම්පලවල පවතින බව සනාථ වුවහොත් එම නිෂ්පාදන වහාම මෙරට භාවිතය තහනම් කිරිමට කටයුතු යොදන බව ද සෞඛ්‍ය සේවා අධ්‍යක්ෂ ජනරාල් වරයා සදහන් කරයි.
සබැදි පුවත්
සියලු නුඩ්ල්ස් වර්ගවල සාම්පල පරීක්ෂාවට
ක්ෂණික නූඩ්ල්ස් කන්නෙ බලාගෙනයි, අහිතකර රසායනිකයක් පිළිබඳ පරීක්ෂණ
ඩොලර් මිලියන 50ක මැගී නූඩ්ල්ස් ගින්නේ
