මේ අනුව ලංකා බැංකුවේ එක ගිණුම් හිමියකුගේ ගිණුමෙන් පමණක් මාස 6ක කාලයක් තුල මිලියන 400ක පමණ මුදලක් බැංකු නිළධාරීන් නොමඟ යවා වංචාසහගත ලෙස මලයාසියාවේ ගිණුමකට මාරු කර ගෙන ඇත. එසේම අනෙක් පෞද්ගලික බැංකු දෙකෙහිද මෙලෙස මිලියන් ගනනින් මුදල් මලයාසියාවේ බැංකු ගිණුමකට මාරු කර ගැනීමටට මෙම කොල්ලකරුවන් සමත්ව තිබේ.
බැංකුවල පවතින දුර්වල මූල්‍ය ආරක්ෂක ක්‍රමවේදයන් හේතුවෙන් මෙම මූල්‍ය වංචාවා සිදුව තිබේ. පරිගණක හරහා ගිණුම් හැසිරවීමේ නව ක්‍රමවේදයන් ගිණුම් හිමියට පහසුවක් සලසන්නක් වූවද බැංකුවේ පරිගණක වලට හොර රහසේ ඇතුළු වී( හැක් කර) එම ගිණුම් තොරතුරු ලබා ගෙන එම ගිනුම් හිමියන් ලෙස පෙනී සිටිමින් මෙම මූල්‍ය වංචාව කිරීමට එම අපරාධකරුවන් සමත්ව තිබේ.
කෙසේ නමුත් මෙම වංචාවන් සිදු කළ ආකාරය ගැන අගමුල සොයා ගැනීමට පොලීසිය සමත් වූවද මෙම කොල්ලකරුවන් අත් අඩංගුවට ගැනීම හෝ ඒ පිළිබඳ මලයාසියාවට ගොස් තවදුරටත් පරීක්ෂන පැවැත්වීමට අදාල පහසුකම් හා නීතිමය හැකියාවක් නොමැතිවීම නිසා පොලීසියත් අගතියට පත් පාර්ශවයනුත් බරපතල ගැටලුවකට පත්ව සිටින බවද වාර්තාවේ.
