අදාල පත්කිරීම සිදුකර ඇත්තේ තෙමසක කාලයක් සඳහායි. ඒ අනුව වැඩබලන දියවඩන නිළමේවරයා ලෙස ප්රදීප් නිලංග දෑල එළැඹෙන අගෝස්තු මාසයේ පැවැත්වෙන වාර්ෂික ඇසළ පෙරහැර සියලූ කටයුතු අධීක්ෂණය කිරීමට නියමිතය.දැල බණ්ඩාර මහතාව මේ සඳහා නම් කිරීම අස්ගිරි හා මල්වතු පාර්ශ්වයේ මහනායකවරුන්ගේ ඉලීම පරිදි සිදුව තිබේ.
බෞද්ධ කටයුතු කොමසාරිස් චන්ද්රපේ්රම ගමගේ මහතා මේ පත්වීම පිළිබඳ අදහස් දක්වමින් පවසා ඇත්තේ බෞද්ධ විහාර, දේවාලගම් ආඥා පනත යටතේ අදාල පත්කිරීම සිදුකර ඇති බවයි.
කෙසේ නමුත් දූෂණ වංචා චෝදනා රැසක් එල්ල වී තිබු හිටපු බස්නයක නිලමේවරයාව එම ඡන්දය තෙක් වැඩ බැලීම සඳහා පත් කිරීමට බෞද්ධ කටයුතු කොමසාරිස්වරයා විසින් කටයුතු කිරීමට එරෙහිව මේවන විටත් බරපතල විරෝධයක් හට ගෙන තිබේ.
මෙමඟින් ඔහුගේ ඡන්ද ප්රචාරක කටයුතු සඳහා එම තනතුරේ වරප්රසාදයන් යොදා ගැනිමටත් ඔහුට එරෙහිව ඇති දූෂණ වංචා චෝදනාවලින් ගැලවීම සඳහා වත්මන් ආණ්ඩුව විසින්ම ඉඩ ප්රස්ථාව ලබා දී ඇති බව මෙම චෝදනා කරුවෝ පවසති.
මේ අතර දැල බණ්ඩර මහතාට අයත් යැයි සැල කෙන යාල වනෝද්යානය තුල පවතින කැරවෑන් නම් හෝටලය තුල මේ දිනව බස්නායක නිලමේවරයා පත් කිරීම වෙනුවෙන් ඡන්ද හිමි ප්රාදේශීය හා දිසා ලෙකම්වරුන් කැඳවා ඉහළ මට්ටමේ භෝජන සංග්රහයන් පැවැත්වෙන බවත් වාර්තාවේ.
