කොළඹ, ගම්පහ, කළුතර, කුරුණෑගල හා පුත්තලම යන දිස්ත්රික්ක සඳහා ඊයේ සම්මුඛ පරීක්ෂණ පැවැත්විණි. වයඹ පළාත් මහ ඇමැති දයාසිරි ජයසේකර, වයඹ හිටපු මහ ඇමැති අතුල විජේසිංහ, පළාත් සභා මන්ත්රීවරියන් වන හිරුණිකා ප්රේමචන්ද්ර හා සමන්මලී සකලසූරිය, මල්ෂා කුමාරතුංග, රුවන්ති මංගලා මේ සඳහා සහභාගි වී ඇත. කොළඹ දිස්ත්රික්කයේ අපේක්ෂකයින් තෝරා ගැනීම සඳහා වූ නාමයෝජනා මණ්ඩලයට ශ්රී ලංකා නිදහස් පක්ෂයේ ජාතික සංවිධායක සුසිල් ප්රේමජයන්ත, ආචාර්ය සරත් අමුණුගම, සාලිය මැතිව්, රංජිත් සියඹලාපිටිය, ඒ.එච්.එම්. ෆවුසි, පියසේන ගමගේ, ජ්යෙෂ්ඨ නීතිඥ චම්පානි පද්මසේකර, ජනාධිපති නීතිඥ ඩී.පී. මෙන්ඩිස්, නීතිඥ සංජය ගමගේ හා මහේෂ් කොටුවැල්ල යන මහත්වරු නාමයෝජනා මණ්ඩලයේ කටයුතු කර ඇත.
එක් දිස්ත්රික්කයක් සඳහා නාමයෝජනා මණ්ඩල සාමාජිකයින් දෙදෙනෙකු බැගින් කටයුතු කර ඇත. හෙට (02) සහ අනිද්දා දිනවල ද සම්මුඛ පරීක්ෂණ පැවැත්වේ. අනිද්දා සම්මුඛ පරීක්ෂණ පැවැත්වෙන්නේ හිටපු පාර්ලිමේන්තු මන්ත්රීවරු හා ඇමැතිවරුන් සඳහාය.
