ජ්යෙෂ්ඨ පොලිස් අධිකාරිවරුන් සිව් දෙනෙකුට සහ සහකාර පොලිස් අධිකාරිවරුන් තිදෙනෙකුට මෙලෙස ස්ථාන මාරුවීම් ලබාදී ඇත.
ඒ අනුව කුලියාපිටිය කොට්ඨාසය භාරව කටයුතු කළ ජ්යෙෂ්ඨ පොලිස් අධිකාරි ආර්.එම්. හරිස්චන්ද්ර මහතා පොලිස් ක්ෂේත්ර බලකා මුලස්ථානයට මාරුකර යවා තිබේ.
අම්පාර කොට්ඨාසය භාරව සිටි ජ්යෙෂ්ඨ පොලිස් අධිකාරි එම්.එච්.කේ.ඩී මහගෙදර මහතා කුන්ඩසාලේ පොලිස් අභ්යාස විද්යාලයේ අධ්යක්ෂවරයා ලෙස මාරුකර යවා ඇති අතර , ජ්යෙෂ්ඨ පොලිස් අධිකාරි ඩී.ආර්.එල් රණවීර මහතා ගල්කිස්ස කොට්ඨාසයේ සිට අම්පාර කොට්ඨාසය වෙත මාරුකර යවා තිබේ.
පොලිස්පති අණදෙන කොට්ඨාසයේ අධ්යක්ෂ ජ්යෙෂ්ඨ පොලිස් අධිකාරි ජේ.අයි. ද ඒ. ගුණතිලක මහතා ගල්කිස්ස කෙට්ඨාසයට මාරුකර යවා ඇති බව සඳහන්ය.
පොලිස්පති අණදෙන තොරතුරු කොට්ඨාසයේ කටයුතු කළ සහකාර පොලිස් අධිකාරි ජි.ඩී.ඒ.එන් ගුණරත්න මහතා එම කොට්ඨාසයේ වැඩ බලන අධ්යක්ෂවරයා ලෙස පත්කර තිබේ.
අපරාධ පරික්ෂණ දෙපාර්තමේන්තුවේ කටයුතු කළ සහකාර පොලිස් අධිකරි කීර්තිපාල මහතා හලාවත කොට්ඨාසයටත්, ත්රස්ත විමර්ශන කොට්ඨාසයේ සහකාර පොලිස් අධිකාරි ඒ.ආර්.පී අල්විස් මහතා තංගල්ල කොට්ඨාසයටත් මාරුකර යවා ඇත.
