හිටපු ජනාධිපතිවරයාගේ පැමිණීම එක්සත් ජාතික පක්ෂයේ ජයග්රහණයට විශාල තල්ලුවක් බවද ඒ මහතා පෙන්වා දෙයි. එළඹෙන පාර්ලිමේන්තු මැතිවරණය සඳහා හිටපු ජනාධිපති මහින්ද රාජපක්ෂ මහතා තරග කිරීමට තීරණය කර තිබෙන අතර එම මැතිවරණයෙන් පසුව දේශපාලන වශයෙන් ඒ මහතා කුණු කූඩයට විසිවන බවද කබීර් හෂීම් මහතා ප්රකාශ කරයි.
ජනතාව ප්රතික්ෂේප කළ කණ්ඩායමක් සමඟ මීළඟ ඡන්දය සඳහා පැමිණීමෙන් එක්සත් ජාතික පක්ෂයේ පාර්ලිමේන්තු ආසන සංඛ්යාව තවදුරටත් ඉහළ යන බව පෙන්වා දෙන එම පක්ෂයේ මහලේකම්වරයා ඒ තත්ත්වය අපට විශාල පහසුවක් බවද කියා සිටී.
දූෂණ, වංචා සම්බන්ධයෙන් චෝදනා ඇති දේශපාලනඥයන් ඊළඟ ඡන්දයේදී ජනතාව වෙතින් ප්රතික්ෂේප වනු ඇතැයි විශ්වාසය පළ කළ ඒ මහතා හිටපු ජනාධිපතිවරයා යළි මැතිවරණයකට පැමිණීම සදාචාරසම්පන්න නොවන බවද පෙන්වා දෙයි.
මේ අතර ඒ මහතා පෙන්වා දෙන්නේ ශ්රේෂ්ඨාධිකරණ විනිසුරුවරයකු විශ්රාම යාමෙන් අනතුරුව යළිත් වරක් දිස්ත්රික් අධිකරණයක නඩු විභාග කිරීම සඳහා නොපැමිණෙන බවයි.
dinamina
