දයා ගමගේ මැතිතුමා මේ බව කියා සිටියේ ඊයේ (03) පස්වරුවේ අම්පාර දයා ඇපරල් ශ්රවණාගාරයේ දී දිස්ත්රික්කයේ විශ්රාමිකයින් හමු වූ අවස්ථාවේ දී ය.
රජයේ සහ පුද්ගලික අංශයේ සේවයේ නිරත වෙමින් රටේ සංවර්ධනය වෙනුවෙන් අමිල මෙහෙවරක් කළ සියලූ විශ්රාමිකයින්ගේ සේවය මෙහිදී දයා ගමගේ මැතිතුමා විසින් ඇගයීමට ද ලක් කළේ ය.
මෙම හමුවේ දී අදහස් දැක්වූ දයා ගමගේ මැතිතුමා වැඩිදුරටත් කියා සිටියේ ඉදිරි පස් වසර තුළ අම්පාර දිස්ත්රික්කයේ තරුණ තරුණියන් රැකියා අවස්ථා සොයා පිට පළාත් වලට සංක්රමණය වීම නැවැත්වීමට පියවර ගන්නා බවයි. දිස්ත්රික්කයේ සෑම මට්ටමකම අධ්යාපන සුදුසුකම් සපුරන පුද්ගලයින්ට තමන්ගේ සුදුසුකම් සහ අත්දැකීම් වලට සරිලන රැකියා අවස්ථා ඇති කිරීමට පුරෝගාමී මෙහෙවරක් තමා විසින් සිදු කිරීමට අපේකෂා කරන බව ද එක්සත් ජාතික පක්ෂයේ ජාතික සංවිධායකතුමා මෙහිදී අවධාරණය කළේය. එසේම, ඉදිරි පස් වසර අවසන් වන විට වෙනත් පළාත් වල පුද්ගලයින් රැකියා අවස්ථා සොයා අම්පාර දිස්ත්රික්කයට පැමිණෙන තත්ත්වයක් උදා වනු ඇතැයි ද දයා ගමගේ මැතිතුමා සඳහන් කළේය.
මෙම අවස්ථාවට කෘෂිකර්ම නියෝජ්ය අමාත්ය වෛද්ය අනෝමා ගමගේ මැතිණිය, පළාතේ පළාත් පාලන නියෝජිතයින් පිරිසක් සහ පන්සියයකට අධික විශ්රාමිකයින් පිරිසක් සහභාගීව සිටියහ.
මේ අතර එක්සත් ජාතික පක්ෂයේ ජාතික සංවිධායක දයා ගමගේ මැතිතුමාගේ සහ කෘෂිකර්ම නියෝජ්ය අමාත්ය වෛද්ය අනෝමා ගමගේ මැතිණියගේ ප්රධානත්වයෙන් සංවර්ධන ව්යාපෘති කිහිපයකට ද අද මුල පිරුවේය. ඒ අනුව නාමල්ඔය ක්රීඩාංගනය මිලියන දෙකක මුදල් පරිත්යාගයෙන් සංවර්ධනය කිරීම සඳහා අද මුල් ගත් තැබීය. එසේම, අභිනවයෙන් ඉදි වූ පොල්වත්ත පාලම ද එම දෙපළගේ අතින් අද ජනතා අයිතියට පත් විය.
