සිරිසේන මහතා සිය සමීපතම හිතවතකු හා පවසා ඇත්තේ නොදන්න යකාට වැඩිය දන්න යකා සමඟ වැඩ කිරීම පහසු බවය. නොදන්න යකා ලෙස හඳුන්වා ඇත්තේ රනිල් වික්‍රමසිංහ මහතාය. දන්න යකා මහිද රාජපක්ෂ මහතාය.
ඊයේ(04) ජනාධිපතිවරයා මාතරදී 08 වන දින ලැබූ ජයග්‍රහණය ආපසු හරවන්නේ නැති බවටත් පවුල්පාලනයට යළි ඉඩ නොදෙන බවත් පැවැසූ නමුත් මහින්ද රාජපක්ෂට නාම යෝජනා ලබා දෙන්නේ නැති බව නොපැවසීමට පරෙස්සම් විය.
එමෙන්ම ඊයේ අගමැතිවරයා නිකුත් කළ ට්වීටර් පණිවිඩයකින් කියැවුණේ 08 වෙනිදා ලැබු ජය 'තමන්' ආපසු හරවන්න ඉඩ නොදෙන කතාවකි. එයින් පැහැදිලිවන්නේ ජනාධිපතිවරයා ඒ ජයග්‍රහනය පාවා දුන්නද තමන් ඒ පාවා නොදෙන බවය. ඒ අනුව ජනාධිපතිවරයා මහින්ද රාජපක්ෂ සමඟ එක්වීම සම්බන්ධයෙන් අගමැතිවරයාද දැනුම්වත් භාවයක සිටින බව පැහැදිලිය.
ඒ කෙසේ නමුත් ජනාධිපතිවරයා, රාජපක්ෂ මහතාට නාම යෝජනා ලබා දීමට ගත් ස්ථාවරයට ඔහු ජනාධිපතිධුරයට පත් කරන ලද සියලු බලවේගත් එදා රාජපක්ෂ මහතා සමඟ සිටි නමුත් මේවන විට සිරිසේන මහතාට සමීව වූ ශ්‍රී ලනීප ජේෂ්ඨයන්ද දැඩි විරෝධයක් පළ කරමින් තිබේ.
