මහින්දවාදී කොටස් මේවන විටත් ජනාධිපතිවරයාගෙන් ලැබුණේ අවසරය මත එජනිසෙන් මැතිවරණයට ඉදිරිපත් වීමේ සූදානමකින් පසුවේ. එමෙන්ම මෛත්‍රී පාර්ශවයේ විශ්වාන්තවන්තයකු ලෙස සැලකෙන ශ්‍රී ලනීප ලෙකම් අනුර ප්‍රියදර්ශන යාපා පසුගිය දින කිහිපයේදීම මාධ්‍ය හමුවේ පැවැසූවේ මහින්ද රාජපක්ෂට ශ්‍රි ලනිපයෙන් නාම යෝජනා ලැබෙන බවත් සන්ධානය නියෝජනය කළ සියලු පාර්ලිමේන්තු මන්ත්‍රීවරුන්ට මෙවරද නාම යෝජනා ලැබෙන බවත්ය.
ජනාධිපතිවරයා මහින්ද පාර්ශ්වයට සුභවාදී පිළිතුරකුත් මහින්ද විරෝධීන්ටත් සුභවාදී පිළිතුරකුත් මේවන විට ලබා දී ඇති බව පැහැදිලිය. අපගේ ප්‍රශනය මේ දේශපාලන සූදුවෙන් රටට සිදුවන යහපත කුමක්ද යන්නය. පැහැදිලිව තම ස්ථාවරය ප්‍රකාශයට පත් කිරීමට ජනාධිපතිවරයා පැකිලීම තව දුරටත් රටේ දේශපාලන ස්ථාවරතවය ව්‍යාකූල කරමින් පවතී. අවසන් මොහොතේ ගන්නා තීන්දු තීරණ කවරක් වූවත් ඒ රටේ ප්‍රගතියට හේතු නොවී තමතමන්ගේ ගොඩ බේරා ගැනීම වෙනුවෙන් වන කරුණක් වුව හොත් පරදින්නේ රටය. රටේ පුරවැසියාය.
