අගමැතිවරයා එසේ සඳහන් කළේ බණ්ඩාරනායක අනුස්මරණ සම්මන්ත්‍රණ ශාලවේ ඊයේ (5) සවස පැවැති හිටපු ජනාධිපතිනි චන්ද්‍රිකා කුමාරතුංග මහත්මියගේ ජන්මදින සැමරුම් උළෙලට එක් වෙමිනි.
එහිදී ජනාධිපති මෛත්‍රීපාල සිරිසේන මහතා හා හිටපු ජනාධිපතිනිය ඉදිරියෙහි තබා ගෙන වික්‍රමසිංහ මහතා පසුගිය එජාප ආණ්ඩු සමයේදී බණ්ඩාරනායක මහත්මිය රට වෙනුවට ශ්‍රී ලනීපය රැක ගැනීමට ගත් උත්සහය නිසා රටට අත්වූ ඉරණම මතක් කළ අතර මෙවර ජනපති සිරිසේන මහතාත් රට වෙනුවට ශ්‍රී ලනීපය ආරක්ෂා කිරීම සඳහා කටයුතු කරනවාද යන්න ගැන සැකයක් ඇතිවන බවත් අවධාරණය කළේය.
එහෙත් මූලික ප්‍රතිපත්ති එකඟතා මත තමා ජනාධිපතිවරයා ඇතුළු සියලු දෙනා එක්ව නව ආණ්ඩුවක් හදන බව කී අගමැතිවරයා මුළු පාර්ලිමේන්තුවම එකම ආණ්ඩුවක් ලෙස කටයුතු කරණු ඇතැයි තමා අපේක්ෂා කරන බව අනාවරණය කළේය.
ජනතා ප්‍රශ්න විසඳාළීමට සියලු දෙනා එකට එක්වීම අවශ්‍ය යැයිද වික්‍රමසිංහ මහතා පැවැසීය.
ජනවාරි අටවැනිදා ජනාධිපතිවරයා සමඟ ඇති කැර ගත් පාලනය පිළිගන්නවාද එසේ නැත්නම් එය ආපසු හරවනවාදැයි තමා ප්‍රශ්න කරන බව ද අගමැතිවරයා කීවේය.
