කෝප් කමිටුවේ සභාපතිවරයා ලෙස හිටපු පාර්ලිමේන්තු මන්ත්‍රී ඩිව් ගුණසේකර මහතා කටයුතු කළ ආකාරය පිළිගත නොහැකි බවත්, ඔහු කටයුතු කර ඇත්තේ පාර්ලිමේන්තු වරප්‍රසාද පනතේ 22 වැනි වගන්තිය උල්ලංඝණය කරමින් බවත්, අගමැති රනිල් වික්‍රමසිංහ මහතා චෝදනා කරයි.
කෝප් කමිටුවේ සභාපතිවරයා ලෙස ඔහු මෙම සිද්ධියේදී කටයුතු කර ඇත්තේ දේශපාලන වාසි වෙනුවෙන් යැයි අගමැතිවරයා එහිදී චෝදනා කළේය.මහ‍ජන නියෝජිතයින් ලෙස පාර්ලිමේන්තුවේ සම්ප්‍රදාය ආරක්ෂා කළ යුතු බවත්, දේශපාලන වාසි වෙනුවෙන් පෙනී නොසිටිය යුතු බවත් පැවසුවේය.
ජනතාවගේ මුදල් ආරක්ෂා කළ යුතු බව හා එසේ කළ නොහැකි නම් එවැනි තැන්වල නොසිටිය යුතු බව අගමැතිවරයා අවධාරණය කළේය.
පාර්ලිමේන්තුව විසුරුවා තිබියදී ඩිව් ගුණසේකර මහතා පාර්ලි‍ෙම්න්තුවේ වාර්තාවක් තමන්ගේ ලියවිල්ලක් ලෙස ඉදිරිපත් කරමින් සිදුකර ඇත්තේ ලොකු වංචාවක් බවත් කෝප් කමිටුවේ සභාපති ඩිව් ගුණසේකර මහතා ඒ සම්බන්ධයෙන් සුජිව සේනසිංහ මහතා සමග රුපවාහිනි විවාදයකට එන ලෙස අග්‍රාමත්‍යවරයා අභියෝග කර සිටි.
මහ බැංකු බැදුම්කර සම්බන්ධ වාර්තාව පාර්ලිමේන්තුවට ඉදිපත් කළ හැකි වාර්තාවක් ලෙස සකස් කර නොතිබු බව අග්රාමාත්යවරයා සදහන් කළේය.
එසේම ඒ පිළිබද කරනු ලබන පරික්ෂණයට අග්රාමාත්යවරයා වශයෙන් තමාගෙන් කරුණු සටහන් කර ගන්නා ලෙස කිහිප වරක්ම ඉල්ලීමක් කර සිටියද එම අවස්ථාව ලබා නොදුන් බව අග්රාමාත්යවරයා මෙහිදී අනාවරණ කළේය. කෝප් කමිටුව හමුවේ සාක්ෂි ලබාදීමට අගමැතිවරයාට යා හැකි බවත්, එය වෙනත් රටවල පවා සිදුවන සාමාන්‍ය දෙයක් බවත්, අගමැතිවරයා පෙන්වාදුන්නේය.
මේ පිළිබද ඉදිරි පාර්ලිමේන්තුවේ දී මාස 03 ක් ඇතුළත තේරීම් කාරක සභාවක් මගින් වැඩිදුර පරික්‍ෂණ සිදුකරන බවද අග්රාමාත්යවරයා මෙහිදී සඳහන් කළේය.
