මහින්ද වාදී පිළ නියෝජනය කරමින් සිටියද ඔහු ඇතුළු ශ්‍රී ලනීප ජේෂ්ඨයන්ට අවශ්‍යව ඇත්තේ මහින්දව පෙන්වා මැතිවරණය ජය ගැනීමට බව පසුගිය දින කිහිපයේදීම ජනාධිපතිවරයා සමඟ පැවැත්වූ සාක්ච්ඡා කිහිපයකදීම අවධාරණය කර තිබේ. මහින්ද නොමැති වුව හොත් එජාපය තුනෙන් දෙකේ ජයග්‍රහණයක් අත්පත් කර ගන්න බව සංඛ්‍යා ලේඛන සහිතව ඔවුන් අවධාරණය කර තිබේ.
සුසිල් ප්‍රේමජයන්ත, අනුර ප්‍රියදර්ශන යාපා, නිමල් සිරිපාලද සිල්වා මහතා මෙන්ම ඩලස් අලහප්පෙරුම වැන්න වුන් පවා තමන් රාජපක්ෂ යුගයේදී රාජපක්ෂ පවුලේ අණසකට අනුව පීඩනයකට ලක්ව සිටි බව පෙන්වා දී ඇති අතර යළිත් රාජපක්ෂවරුන්ට බලය ලබා දී ඔහුගේ වහලකු වන්නට තමන්ද සූදානම් නැති බව පවසා ඇත. කිසිවකුට පැහැදිලි බහුතර ආසන සංඛ්‍යාවක් නොලැබෙන පාර්ලිමේන්තුවකදී එජාපය සමඟ වන ජාතික ආණ්ඩුවකට තමන්ද එකඟ බව ඔවුන් මෙහිදී අවධාරණය කර ඇත. එකසත් ජාතික පක්ෂයට තනිවම ආණ්ඩුවක් පිහි‍ටු වීමට ඉඩ ලැබුණ හොත් යළි ශ්‍රීලනීපයට බලයට ඒමට තව කෙතරම් කාලයක් බලාගෙන සිටීමට සිදුවනු ඇතිදැයි ගනන් හැදීමට වත් නොහැකි වනු ඇති බව මෙම ශ්‍රී ලනීප මන්ත්‍රීවරු ජනාධිපතිවරයා හමුවේ අඳෝනා නගා ඇත.
