අද (14) උදෑසන මහනුවර ශ්‍රී දළදා මාළිගාවේ දී ආගමික වතාවත් වලට සහභාගී වී මහනායක හිමිවරුන් ද බැහැදැකීමෙන් අනතුරුව මාධ්‍යවේදීන් හමුවට පැමිණි ඔහු,
"දැන් බලන්න රාජ්‍ය සේවයට වෙලා තියෙන දේ, රාජ්‍ය සේවකයා අද බියෙන් ඉන්නේ. මොකද මේ හැම එක්කෙනාට ම චෝදනා, පහුගිය සත්භාවයෙන් කරපු වැඩ වලට හිටං ප්‍රශ්න කරනවා. 500කට වැඩි පිරිසක් අද රාජ්‍ය සේවකයො, ජනාධිපති ලේකම් වරයාගෙ ඉඳලා, පහළ නිලධාරීන් දක්වා ම ප්‍රශ්න කරලා තියෙනවා යම් යම් දේවල් වලට. ඉතිං මං කියන්නෙ මේකෙ ආරක්ෂාවක් තියෙන්න ඕනෙ රාජ්‍ය සේවකයාට. දේශපාලඥයාට පුළුවන් මේවාට මුහුණ දෙන්න. ඒත් රාජ්‍ය සේවකයාට මෙහෙම කරන එක අසාධාරණයි. මම කියනවා මේවා නැතිකිරීම තමයි අපෙ එක පරමාර්ථයක්. " යනුවෙන් සඳහන් කළේය.
හිටපු ජනාධිපතිවරයා අද මෙසේ කීවද සති කිහිපයකට පෙර ඔහුගේ ළඟම අනුගාමිකයකු වන දකුණු පළාත්සභා ඇමති ඩී.වී. උපුල් තර්ජනය කළේ මහින්ද රාජපක්ෂ අගමැති වු දිනෙක මූල්‍ය අපරාධ පරීක්ෂණ ඒකකයේ FCID යේ DIG ගේ සිට කොස්තාපල් දක්වා සියල්ලන් ගල් ගසා මරා දමනා බවට ය. FCID යේ සිටින්නේද රාජ්‍ය සේවකයින්ය. ඩී. වී. උපුල්ටද එක්සත් ජනතා නිදහස් සන්ධානයෙන් මහමැතිවරණය සඳහා නාමයෝජනා හිමිව තිබෙන අතර ප්‍රශ්න කිරීමකින් තොරව ගල් ගසා මැරීම අඩුවෙන් බිය දැනෙන ක්‍රියාවක් ලෙස මහින්ද පාර්ශ්වය සලකනවා විය යුතුය.
