රටපුරා පිහිටි මධ්‍යස්ථාන 14 කදී මෙය සිදු කෙරෙන අතර එය එළැඹෙන අගොස්තු මස 11 වැනිදා ආරම්භ වී 14 වැනිදායින් අවසන් වන බවද එම කාර්යාංශය සඳහන් කරයි.
කොළඹ පිහිටි මධ්‍යස්ථාන දෙකක දී හා සහ රටපුරා පිහිටි මධ්‍යස්ථාන 12 කදී මෙම අයැදුම්පත් නිකුත් කිරීම සිදුකෙරෙන අතර අතුරුගිරිය ජාතික වැවිලි කළමනාකරණ ආයතනය, රත්මලාන ශ්‍රී ලංකා විදේශ සේවා නියුක්ති කාර්යාංශයේ පුහුණු මධ්‍යස්ථානය කොළඹ පිහිටි මධ්‍යස්ථාන බවද කියාසිටී.
කොරියානු රජයේ රැකියා හා කම්කරු අමාත්‍යංශය සහ විදේශ රැකියා ප්‍රවර්ධන හා සුභසාධන අමාත්‍යංශය අතර ඇති කරගත් අවබෝධතා ගිවිසුමට අනුව කොරියානු භාෂා ප්‍රවීණතා විභාගය ශ්‍රී ලංකාවේ දී පවත්වන අතර මෙවර විභාගය මේ වසරේ ඔක්තොම්බර් 11 වැනිදා හා 12 වැනිදා පැවැත්වීමට සැලසුම් කැර තිබේ.
මෙවර විභාගයේ දී තෝරාගනු ලබන්නේ ධීවර හා ඉදිකිරීම් ක්ෂේත්‍රයේ රැකියා සඳහා පමණක් බවද ශ්‍රී ලංකා විදේශ සේවා නියුක්ති කාර්යාංශය පෙන්වා දෙයි .
ඔක්තොම්බර් 11වැ නි දා හා 12 වැනිදා පවත්වන පරීක්‍ෂණයේ වේලාවන් හා පරීක්‍ෂණ ස්ථාන විදේශ සේවා නියුක්ති කාර්යාංශයේ නිල වෙබ් අඩවිය වන www.slbfe.lk මඟින් මෙන්ම ප්‍රධාන කාර්යාලයේ හා අනකුත් කාර්යාංශ ශාඛාවල දැන්වීම් පුවරුවල පළ කෙරෙන අතර විභාගයේ දී ලකුණු 200න් අවම වශයෙන් ලකුණු 80ක් හෝ ඊට වැඩි ප්‍රමාණයක් ලබාගත යුතු අතර, කඩඉම් ලකුණු ප්‍රමාණය කොරියානු මානව සම්පත් දෙපාර්තමේන්තුව මඟින් ප්‍රකාශයට පත් කරයි.
