එම වාර්තාවට අනුව රටින් පලාගොස් සිටි මාධ්‍ය වේදීන් නැවත ගෙන්වා ගැනීමට කටයුතු කිරීම, වෙබ් අඩවි වරණය ඉවත්කිරීම, විදේශිකයන්ට උතුරු නැගෙන හිර ප්‍රදේශවල සංචාරය කිරීමට අවස්ථාව උදාවීම හරහාප්‍රජාත්නත්‍රවාදී අයිතීන් තහවුරු කිරීමට පියවර ගෙන ඇත. එසේම උතුරු නැගෙනහිර ප්‍රදේශ පාලනය සඳහා හමුදා නිලධාරීන් වෙනුවට සිවිල් නිලධාරීන් පත් කිරීම හරහා දේශීය සම්බන්දත වැඩි දියුණු වී ඇති මේ වාර්තාව පෙන්වා දෙයි.
එසේම ජාතික ගීය දමිළ බසින් ගැයීමට අවසර ලබාදීම, ත්‍රස්තවාදී චෝදනා එල්ල කර තිබූ දේශපාලන සිරකරුවන් යම් ප්‍රමාණයක් නිදහස් කිරීමට කටයුතු කිරීම සහ වෙනත් ආගම් වලට එල්ල වෙමින් පැවති ජාතිවාදී ආගම්වාදී තාඩන පීඩන අඩු වීම, යුධ කටයුතු සඳහා ලබාගත් සාමාන්‍ය වසියන්ගේ ඉඩම් නැවත ලබාදීමට පියවර ගැනීම සහ උතුරු නැගෙනහිර පළාත් දෙකටම ආණ්ඩුකාරවරු ලෙස සිවිල් නිලධාරීන් පත්කිරීම සාධනීය ලක්ෂණ ලෙස එම ඇමරිකානු වාර්තාව පෙන්වා දෙයි.
