එක්සත් විශ්ව විද්‍යාල ආචාර්ය සංගමයේ නිවේදනය පහත දැක්වේ.
මේ එක්සත් ජනතා නිදහස් සන්ධානයේ මැතිවරණ තේමාවයි. මෙම තේමාව මුළුමනින්ම හාස්‍යජනක බව අමුතුවෙන් කිව යුතු නැත. සන්ධාන නායකයින් ඉදිරිපත් කර ඇති මෙම තේමාවෙන් අනියම් වශයෙන් අදහස් කරන්නේ ගිය ජනවාරි 08 දින මෛත්‍රී රනිල් සුසංයෝගය යටතේ ක්‍රියාත්මක වන යහපාලනය පදනම් කරගත් ජනතාවාදී පාලනය යටතේ අපේ රට මිය ගොස් ඇති බව ද? නැතිනම් එම පාලනය යටතේ පසුගිය මාස 07 තුළ ක්‍රියාවට නැංවූ මහින්ද රාජපක්ෂගේ පවුල්වාදී ආඥාදායක පාලනය නැති කොට ප්‍රජාතන්ත්‍රවාදය යළි ස්ථාපිත කිරීම, නීතියේ ආධිපත්‍යය හා අධිකරණයේ ස්වාධීනත්වය යළි තහවුරු කිරීම, දේශපාලනීකරණය කර තිබූ පොලිසිය හා සිවිල් සේවාව එයින් මුදවා ගැනීම, නිදහස් සාධාරණ හා ස්වාධීන මැතිවරණ ක්‍රමය යළි ස්ථාපිත කිරීම, මෙරට ජනතාවගේ ජීවන තත්වය නංවාලීම සඳහා අත්‍යවශ්‍ය භාණ්ඩවල මිල පහළ දැමීමල සියලූම වර්ගවල ඉන්ධන මිල අඩුකිරීමල රාජ්‍ය සේවකයින්ගේ වැටුප රුපියල් 10,000 න් වැඩි කිරීමල විශ්‍රාමිකයින්ගේ විශ්‍රාමික වැටුප් යාවත්කාලීන කිරීමල රාජ්‍ය දේපළ මංකොල්ල කෑම නතර කිරීමල මිනීමරු සුදු වෑන් සංස්කෘතිය නැතිකර දැමීම, ජනමාධ්‍යවේදීන් ඝාතනය කිරීම-පහර දීම- ජීවිත ආරක්ෂාව සඳහා රටෙන් පැන යාම නැති කොට මාධ්‍ය නිදහස ඇති කිරීමල ජාතික සංහිඳියාව ගොඩනැගීම සඳහා කටයුතු කිරීම, අන්තර්ජාතික ක්ෂේත්‍රය තුළ විනාශ කොට තිබූ රටේ ප්‍රතිරූපය යළි ගොඩනැංවීම වැනි ජනතාවාදී හා මානුෂීයවාදී ක්‍රියාවන් හේතු කොට ගෙන අපේ රට මිය ගොස් ඇති බව ද?
සන්ධාන නායකයින් ප්‍රකාශ කරන රටට පණ දීම යනුවෙන් අදහස් කරන්නේ කුමක්ද? යළිත් වරක් රාජපක්ෂ පවුල්වාදී ආඥාදායක පාලනය මෙරට ස්ථාපිත කිරීම ද? මිනීමරු සුදු වෑන් සංස්කෘතිය, රාජ්‍ය දේපළ ඉවක් බවක් නොමැතිව මංකොල්ල කෑමල ආගම්වාදය හා වර්ගවාදය යළි අවුස්සා ජාතිය යළි ඇණකොටා ගැනීමට ඉඩ සැලසීම යනාදී අශීලාචාරල ප්‍රජාතන්ත්‍රවිරෝධී සහ ජනතා විරෝධී ක්‍රියාදාමය රට තුළ යළි ඇති කිරීම ද? ජනාධිපතිවරණයෙන් පසු එක් සන්ධාන නායකයකු ප්‍රකාශ කළේ අප්පච්චි මිය ගිය බව ය. දැන් සන්ධානවාදීන් උත්සාහ ගන්නේ මිය ගිය අප්පච්චිට පණ දී නව ජීවයකින් මේ මොහොතේ ඉදිරියට යන අපේ රට ආපස්සට හැරවීමට ද?
මහින්ද රාජපක්ෂ පවුල්වාදී ආඥාදායක පාලනය යටතේ පසුගිය වසර 10 තුළ අපේ රට දේශීය වශයෙන් මෙන්ම ජාත්‍යන්තර වශයෙන් ද මරණ මංචකය දක්වා ඇදගෙන ගිය ආකාරය මෙරට ජනතාව හොඳින් දනී. එවන් අඳුරු යුගයකට ආපසු යාමට ද සන්ධාන නායකයින් උත්සාහ ගන්නේ. මෙරට බුද්ධිමත් ජනතාව මෙයට කිසිසේත්ම ඉඩ නොතබන බව අපි විශ්වාස කරමු.
- එක්සත් විශ්ව විද්‍යාල ආචාර්ය සංගමය.
