පක්ෂ ලේකම්වරුන්,නියෝජිතයන් සහ මැතිවරණ කොමසාරිස්වරයා අතර පැවැති මෙම සාකච්ඡාවේදී පක්ෂයේ ආසන කාර්යාලයට අමතරව මෙම කාර්යාලය ස්ථාපිත කිරීමට අවස්ථාව ලබාදී තිබෙන අතර, ගෙයින්ගෙට ගොස් සිදුකරන ප්‍රචාරක කටයුතුවලදී සහභාගී විය හැකි උපරිම පුද්ගල ප්‍රමාණය 15 සිට 25 දක්වාද ඉහළ දැමීමට තීරණය වී ඇත.
මීට අමතරව මැතිවරණයට ඉදිරිපත් වී සිටින සන්ධාන ගත පක්ෂවල නියෝජිතයන්ටද ඡන්දය ගණන් කරන මධ්‍යස්ථාවලට ඇතුළුවීමට අවසර ලබාදීම පිළිබඳවද එම සාකච්ඡාවේදී අවධානය යොමු වී තිබේ.
මැතිවරණ ප්‍රචාරක කටයුතු සිදුකිරීමේදී මැතිවරණ නීතියට අනුගත වෙමින් ප්‍රචාරක කටයුතු සිදුකරන ආකාරය පිළිබඳව මෙහිදී සාකච්ඡා කර ඇත.
