යම් කායික දුබලතාවක් හේතුවෙන් මහජන ප්රවාහන සේවාවක් මගින් ඡන්ද පොළ වෙත ගමන් කළ නොහැකි ඡන්ද දායකයින් සඳහා තම මැතිවරණ කොට්ඨාසයේ තේරීම්භාර නිලධාරීවරයා වෙත ප්රවාහන පහසුකම් ඉල්ලා සිටීමේ අයදුම් පත‍්‍රයක් යොමු කළ හැකි බව මැතිවරණ මහ ලේකම් කාර්යාලය සඳහන් කළේය.
ලියාපදිංචි වෛද්‍යවරයෙකුගෙන් ලබා ගත් සහතිකයක් සමග මැතිවරණ දෙපාර්තමේන්තුවෙන් නිකුත් කරන ආදර්ශ අයදුම් පත‍්‍රය මේ සඳහා යොමු කළ යුතුය.
තේරීම්භාර නිලධාරීවරයාගේ තීරණය මත පදනම්ව අදාළ ඡන්ද දායකයා හට විශේෂ ප්රවාහන පහසුකම් ලබා ගැනීමේ අවසරය නිකුත් කෙරෙනු ඇති බව මැතිවරණ මහ ලේකම් කාර්යාලය වැඩිදුරටත් පහැදිලි කරයි.
ඡන්දය භාවිතා කිරීමට ඇති ප්‍රජාතන්ත්‍රීය අයිතිය කායික ආබාධයක්,දුබලතාවක් හෝ රෝගී තත්වයක් නිසා අහිමි වීමට දී බලා සිටිය යුතු නොවේ.ඒ නිසාම මෙම ප්රවාහන පහසුකම් අවශ්‍ය පුද්ගලයන්ට එම පහසුකම සලසාදීමට හා දැනුවත් කිරීමට කටයුතු කළ යුතුය.
