විමල් වීරවංශලාට අවශ්‍යවන්නේ දැන් මහින්දගේ දෙපා මුළ රතිඤ්ඤා කරලක් හො පුපුරුවා ඔන්න යහපාලනයයි කොටියි එකතුවෙලා මහින්දව මරන්න හදනෝ යැයි කියමින් මෙවර ඡන්ද ගොඩ යෑමයටය.
එහෙත් ඒ උපක්‍රමය ගැන මෙලෝ හසරක් නොදැන සිටි අසරණ මහින්ද ඒ ව්‍යාපෘතියම විනාශ කර දැම්මේය.
"ඊයේ මගේ අතේ එල්ලුනා ආදරේට, බීලද කොහෙද හිටියේ, හොද ශ්‍රී ලංකා කාරයෙක්, ඇවිල්ල ඇගිල්ල අල්ලපු විදිහට තවටිකෙන් මගේ ඇගිල්ල කැඩෙනවා, මම ඉතින් මෙහෙම කරලා තල්ලු කළා, තල්ලු කරන්නේ නැතුව එකේ එල්ලිලා මගේ ඇගිල්ල කඩාගන්නද"
අකුරැස්ස සිදුවූ සිදුවීම මහින්ද රාජපක්ෂ ප්‍රසිද්ධියේම එසේ කීවේය.
විමල් වීරවංශලාට මහින්දව අවශ්‍ය වූයේ පාර්ලිමේන්තු ගමනට පමණය. මහින්දට නාම යෝජනා දෙන්නැයි විමල්,සුසිල් අනුර යාපා ආදීන්ද මෛත්‍රීගෙන් ඉල්ලා සිටියේද මහින්දට අගමැතිකම දීමට තමන්ද එකඟ නැතැයි කියමිනි. මේ නිසා ඇත්තටම මහින්ද රාජපක්ෂට මොන හෝ අනතුරක් වෙනවා නම් විමල්ලා ඉහළින්ම කැමැති වෙනුද ඇත. ඒ නිසා හෙට දවසේදී මහින්දට යම් අනතුරක් වුවහොත් ඊට විමල්ලාගේ ඇති සම්බන්ධයද සෙවීම අනිවාර්ය කටයුත්තකි.
මන්ද විමල් වීරවංශලා දැන් සිටින්නේ මරු විකලෙනි. මාරගෙන මැරී හෝ පාර්ලිමේන්තු මන්ත්‍රීකමක් ලබා ගැනීමේ කෑදර ආශාවෙන් නිසාය.
