ඒ මහතා මේ බව ප්‍රකාශ කළේ අද (23) කුරුණෑගල කටුපොත ජනතාව හමුවූ අවස්ථාවේදීය.
"..පාර්ලිමේන්තුවට යැවිය යුත්තේ කාර්යශූර, උගත්, බුද්ධිමත් පිරිසක් මිස ජනතාව ලබා දෙන බලයෙන් වංචාවට, දූෂණයට, මත්ද්‍රව්‍ය බෙදාහැරීමට අනුබල දෙන්නන් නොවන පුද්ගලයින් බව ජනතාව මතක තබා ගත යුතුයි.
මේක ජනතාවට ලැබුනු මහගු අවස්ථාවක්. නමුත් ඔවුන් පාර්ලිමේන්තුවට ගොස් කල කී දේවලින්, මේ රට වසර 30 යුද්ධයෙන් මුදවාගෙන රට එක්සේසත් කල, ශ්‍රී ලංකාව ලෝකයෙන්ම සංවර්ධන වේගය අතින් පළමු තැනට ගෙන්න ක්‍රියා කරපු ප්‍රබල ආණ්ඩුවක් බිද වැටීමට හේතු වුනා.
අද තරුණ පරම්පරාව ගොඩාක් බුද්ධිමත්, ඔවුන් දැන් පක්ෂයකට බැදිලා වැඩ කරන්නේ නෑ. අද වන විට සාම්ප්‍රදායික මැතිවරණ රටාවෙන් මිදිලා පුද්ගලයා බලලා මැතිවරණ ව්‍යාපාරයේ යෙදෙන තත්වයක් උදාවෙලා තියෙන්නේ. රටේ ඉදිරි අනාගත ගමන් මග ගැන තීන්දු තීරණ ගත යුත්තේ, වැඩිහිටියන්, නංගිලා මල්ලිලා දැනුවත් කරලා නිසි මාර්ගය පෙන්නන එක දැන් පැවරිලා තියෙන්නේ දැන උගත්, බුද්ධිමත්, රටට ආදරය කරන තරුණ ඔබ අතේ.."
දයාසිරි ජයසේකර මහතා මෙහිදී නොකියා කියන්නේ තමන්ගේ දිස්ත්‍රික්කයට වැදී තම මනාප ටික කොල්ලකාගෙන පාර්ලිමේන්තු යෑමට සිටින දූෂණ චෝදනා එල්ලවී ඇති මහින්ද රාජපක්ෂ, ජොන්ස්ටන් ප්‍රනාන්දු වැන්නන්ට මනාපය පාවිච්චි නොකළ යුතු බවය.
කෙසේ නමුත් කුරුණෑගල දිස්ත්‍රික්කයේ මනාප පොරය මහින්ද රාජපක්ෂ හා දයාසිරි රාජපක්ෂ අතර වඩා උණුසුම්ව ඇති බව වාර්තා වෙමින් පවතින අතර රජපක්ෂ මහතා සිය මැතිවරණ ව්‍යාපාරයට ජයසේකර මහතාව හවුල් කර ගැනීමෙන් වැලැකී සිටින අතර ජයසේකර මහතාද ශ්‍රී ලනීප දිස්ත්‍රික් බලමන්ඩල රැස්වීමකටවත් රාජපක්ෂ මහතාට ආරාධනා නොකරයි.
