ලංකාවේ මෙතෙක් බිහිවූ ජනාධිපතිවරුන් අතරින් ජනාධිපති ධුරය දරද්දීම ජනාධිපතිවරණයකින් පරාජයට පත් එකම ජනාධිපතිවරයා මහින්ද රාජපක්ෂ ජනාධිපතිවරයා බව පැවසුවේය. එසේම ධුරකාලය වසර දෙකක් ඉතිරිව තිබියදීම මහජන ඡන්දයෙන් දැන් ඇති ගෙදර යන්න කියා ඉවත් කළ එකම ජනාධිපතිවන්නේද මහින්ද රාජපක්ෂ ජනාධිපතිවරයාමය.
ධුර කාලය අවසන් වීමට පෙරම ජනතාව විසින් ගෙදර යවා ,ශ්‍රීලංකා නිදහස් පක්ෂ නායකත්වයෙන්ද ඉවත්වන්නට සිදුව,තමන් අයත්වන දිස්ත්‍රික්කයෙන් තරග නොකර කුරුණෑගල දිස්ත්‍රික්කයෙන් මැතිවරණයට ඉදිරිපත් වන්නට තරම් පල්ලම් බැස්ස එකම ජනාධිපතිවරයාත් මහින්ද රාජපක්ෂ බව පැවසුවේය.
දවසින් දවස මැතිවරණ ව්‍යාපාරය අසරණ වන්නට පටන් ගැනීම සමග දැන් සහනාධාර වෙන්දේසියක් අරඹා ඇති බවත් දැන් මහපොළ ශිෂ්‍යත්වය 6000 කරන බවට පවසමින් එල්ලෙන්නට වැලක් නැතිව කතා කරන බවත් පැවසුවේය.
කරුණාතිලක මහතා වැඩිදුරටත් පැවසුවේ මහින්දගේ පාලන සමය තුළදී දඹුල්ලේ ගොවීන් සිය නිෂ්පාදන අලෙවි කර ගැනීමට නොහැකිව කූඩ පිටින් පාරට ගෙනවිත් හැලූ බවත් ,අවුරුදු 20 ක්වූ ඔවුන්ගේ පාලන සමය තුළ එකම එකම ශීතාගාරයක් වත් ඉදි නොකර දැන් මැතිවරණය වෙනුවෙන් සහනාධාර වෙන්දේසියක් පවත්වන්නට පටන්ගෙන එළවළු ගොවීන් සදහා ශ්‍රීතාගාර ඇති කරන බවට පොරොන්දු දෙන බවයි.
රුපියල් 500 ක්ව පැවති විවාහ ගාස්තුව 5000ක් බවට පත්කර දැන් විවිධ දේ පවසන බවත්,විසි අවුරුදු පාලන කාලය තුළ කිසිවක් සිදු නොකර දැන් රැකියා නැති අයට රුපියල් 50,000ක් දෙන බව පවසන නමුත් යහපාලන ආණ්ඩුව සුළුතර ආණ්ඩුවකින් ඉතාමත් කෙටි කාලයක් තුළ පොරොන්දු ඉටු කළ බව පැවසුවේය.
ජනතාවට සහන දෙනවා වෙනුවට ජනතාවගේ සාක්කු වලට තට්ටු කළ රාජපක්ෂලා වෙනුවට අද ජනතාවට සහන සලසන ආණ්ඩුවක් බිහිව ඇති බව පැවසුවේය.
අද සන්ධානයේ අපේක්ෂකයින් මෑත කාලයේ කිසිදු දේශපාලන පක්ෂයක අපේක්ෂකයින් පත් නොවූ තරමේ අන්ත අසරණ තත්වයකට පත්ව ඇති බවත් ,අගෝස්තු 17 දායින් පසුව රනිල් වික්‍රමසිංහ මහතා‍ගේ ප්‍රධානත්වයෙන් පිහිටු වන ආණ්ඩුවක් යටතේ ජනතාවට තවත් සහන ලැබෙන බවත් රටට වැඩදායී මෙහෙවරක් සිදු කරන බවත් පැවසුවේය.
