ප්‍රජාතන්තුවාදය අපේක්ෂා කරන්නාවූ,රට තුළ සාධාරණ හා ශිෂ්ට සම්පන්න සමාජයක් අපේක්ෂා කරන්නා වූත් සියල්ලන් යළි දූෂිත පාලනයක් අැති වීම වැළැක්වීම සදහා පෙළ ගැසී සිටියි.
ඒ අරමුණ ඉටු කර ගැනීම සදහා සිවිල් සංවිධාන, වෘත්තීය සමිති සහ දේශපාලන පක්ෂ එකමුතුව යහපාලනයක් සදහා වූ එක්සත් ජාතික පෙරමුණ සමග කරුණු 14 ක් මත මෙම ගිවිසුමට එළඹියේය. මෙම ගිවිසුමට පුරවැසි සංවිධාන හා වෘත්තීය සමිති 85 ක් අත්සන් තැබුවේය.
යහපාලනයක් සදහා ජාතික පෙරමුණ සහ පත්වන අාණ්ඩුවේ ප්‍රධාන පාර්ශවකරු වශයෙන් අගමැති රනිල් වික්‍රමසිංහ මහතාත් ,සිවිල් සංවිධාන ,වෘත්තීය සමිති සහ දේශපාලන පක්ෂ සියල්ල නියෝජනය කරමින් එහි සභාපතීත්වය දරමින් පූජ්‍ය මාදුළුවාවේ සෝභිත හිමි එහි ප්‍රධාන පාර්ශව කරු ලෙසත් මෙම ගිවිසුමට අත්සන් කලේය. සියලු සිවිල් සංවිධාන,වෘත්තීය සමිති සහ පක්ෂ නියෝජිතයින් මෙම ගිවිසුමෙහි සෙසු පාර්ශව කරුවන්වේ.
මහමැතිවරණයෙන් පසුව රටේ සිදුවිය යුතු යහපත් වෙනස්‌කම් වෙනුවෙන් මෙම එකඟතා ගිවිසුමට අත්සන් තැබුණි.
ඡායාරූප-නිශාන්ත ප්‍රියදර්ශන
