බ්‍රිතාන්‍ය පාර්ලිමේන්තුවේ තොරතුරු තාක්ෂණ අංශය මගින් එළිදැක්වූ මෙම වාර්තාව පෙන්වා දෙන්නේ වසරකට 250,000 ක් පමණ වාර ගණනක් විවිධ අසභ්‍ය වෙබ් අඩවි වෙත පිවිසීමට උත්සාහ ගෙන ඇති බවයි. මීට වසර දෙකකට පෙර නිකුත් කළ වාර්තාවල මෙම තත්ත්වය දිනකට 800 ප්‍රමාණයේ තිබූ බව පැවසේ.
ගොඩක් උත්සහකිරීම් සිදුව ඇත්තේ අන්තජාල භාවිතයේදී පෙන්වන කුඩා දැන්වීම් ඔස්සේ බව අනාවරණය වී තිබේ.
මෙම තත්ත්වයෙහි පවතින සුවිශේෂී තාවය වන්නේ බ්‍රිතාන්‍ය රජය විසින් එරට සාමාන්‍ය ජනතාව තුල අසභ්‍ය වෙබ් අඩවි නැරඹීම සීමා කිරීමේ වැඩ පිළිවෙලක් ක්‍රියාත්මක වන අවධියේ මෙවැනි තත්ත්වයක් පෙන්වීමයි.
මීට වසර දෙකකට පෙර එම වැඩපිළිවෙල පිළිබද හඳුන්වා දෙමින් ඩේවිඩ් කැමරන් ප්‍රකාශ කරනු ලැබුවේ අසභ්‍ය වෙබ් අඩවි ළමා කාලය විනාශ කර දමන බවයි. එයට විසඳුමක් ලෙස සෑම නිවසකටම අසභ්‍ය වෙබ් අඩවි අවහිර කළ හැකි ආකාරයේ තාක්ෂණයක් හඳුන්වා දෙනු ලැබුවා.
මෙම වාර්තා එළිදක්වනු ලැබුවේ එංගලන්තයේ ක්‍රියාත්මක තොරතුරු දැනගැනීමේ අයිතිය යටතේ එරට express.co.uk වෙබ් අඩවිය විසින් කරනු ලැබූ ඉල්ලීමකට අනුවයි.
express අඩවිය ප්‍රසිද්ධ කර ඇති එම වාර්තාවට අනුව පාර්ලිමේන්තුව මගින් තහනම් කරන ලද වෙබ් අඩවි අතරින් වැඩිම පිරිසක් පිවිසීමට උත්සාහ ගෙන ඇති වෙබ් අඩවිය වන්නේ sexymp.co.uk නම් වෙබ් අඩවියයි. මෙම අඩවිය වෙත පිවිසෙන්නන්ට බ්‍රිතාන්‍ය පාර්ලිමේන්තු මන්ත්‍රීවරුන් අතරින් තමන් ප්‍රිය කරන මන්ත්‍රීවරයාට තම කැමැත්ත ප්‍රකාශ කිරීමේ හැකියාව පවතියි.
මේ සංඛ්‍යා ලේඛන පිළිබඳ අදහස් දැක්වූ පාරිලිමේන්තු ප්‍රකාශකයෙක් සඳහන් කර ඇත්තේ මෙවැනි වෙබ් අඩවි වෙත පිවිසීම වැලැක්වීම සඳහා පැහැදිලි සීමා මායිම් නිර්මාණය කර ඇති බවයි.
