මව්කිරි දීමේ වැරැදි හුරුපුරුදු මග හරවා ගැනීමෙන් ළදරු මරණ ප්‍රමාණය සියයට 13 කින් අඩු කර ගත හැකි බවද ඇය කීවාය.
දරුවාට මව්කිරි ලබා දීමෙන් මවට මෙන්ම දරුවාටද සෞඛ්‍යමය ප්‍රතිලාභයන් රැසක්‌ අත්වන බවත් පසු ප්‍රසව රක්‌තපාතය, පියයුරු පිළිකා, ඩිම්බකෝෂ පිළිකා, ගර්භාෂ පිළිකා වැනි රෝග වැළඳීම් මෙන්ම මවගෙන් දරුවාට එච්. අයි. වී. ඒඩ්ස්‌ රෝගය වැළඳීමේ අවදානම අඩු කර ගත හැකි බවද ඇය අවධාරණය කළාය.
කෘත්‍රිම කිරි නිෂ්පාදනය හා සම්බන්ධ කෘෂිකර්මාන්තය, ඖෂධ නිෂ්පාදන කර්මාන්තය, ප්ලාස්‌ටික්‌ හා ඇළුමිණියම් කර්මාන්තය ආදිය නිසා වන පරිසර හානියද නිවෙස්‌වල කෘත්‍රිම කිරි පිළියෙල කිරීම සඳහා වැය වන දර හා ඉන්ධන නිසා වන පරිසර හානියද මව්කිරි ලබා දීම සාර්ථක සිදු කිරීමෙන් අඩු කර ගත හැකි බව වෛද්‍යවරිය සඳහන් කළාය.
