මෙසේ අලුතින් පටන්ගමු කියන්නේ පරණ පිරිසම බවත් මේ කණ්ඩායම තුළ එකදු වැදගත් දේශපාලන චරිතයක් හෝ අලුත් අදහස් ඇති එකම චරිතයක් වත් නැති බව පැවසුවේය.
ඔහු වැඩිදුරටත් පැවසුවේ අලුතින් පටන්ගමු කියන පිරිස අතර සිටින්නේ අවුරුදු 20ක් රට පාලනය කළ එකතැන පල්වෙන පිරිසම බවයි.
ඒ නිසා මෙය හිස් ලියවිල්ලක් පමණක් බවත් බිලියන ගණනක් වැය වන ආකාරයේ පොරොන්දු ඉදිරිපත් කර ඒවා ඉටු කිරීමට මුදල් හොයන ආකාරය,රාජ්‍ය ප්රතිපත්ති ආදී වැදගත් කිසිවක් ගැන මේ ලියවිල්ලේ අන්තර්ගත නොවන බව පැවසුවේය.
මේ රටට පණ දෙමු අලුතින් පටන් ගමු යන්න හුදු මැතිවරණ ලේඛණයක් පමණක් බවත් මෙය මහින්ද චින්තනය හා මහින්ද චින්තන ඉදිරි දැක්මටත් වඩා පිටුපසින් සිටින බවත් ප්රතිපත්ති ප‍්‍රකාශනයක් ඉදිරිපත් කිරීමට අවශ්‍ය නිසා සමාජ අපවාදයෙන් මිදීමට මෙය ඉදිරිපත් කර ඇති බව ඔහු වැඩිදුරටත් පැවසුවේය.
මාස 60 කින් අලුත් රටක් යන එක්සත් ජාතික පෙරමුණේ පංචවිධ ක‍්‍රියාවලිය සමග සසදා බලන කළ සන්ධානයේ ප්රතිපත්ති ප්රකාශනය අන්තර්ගතය අතින්,ගුණාත්මක බවින් සහ විශ්වාසනීයත්වයෙන් ඉතාම පහළ බව සදහන් කළේය.
වත්මන් රජය ලබන වසරේ මාර්තු මාසය වන විට ලංකාවටම නොමිලයේ වයිෆයි ලබා දෙන බවත් ඒ උදෙසා ගූගල් සමාගම සමග ගිවිසුම් ගත වූ බවත් පැවසුවේය.
නමුත් මහින්දා නන්ද අලුත්ගමගේ මේ පිළිබදව අදහස් දක්වමින් පවසා ඇත්තේ කොහේදෝ යන හිපියෙක් ගෙනවිත් ගිවිසුම් අත්සන් කළා යනුවෙන් බවත් ඔහු වැනි විධිමත් අධ්‍යාපනයක් නොලද පුද්ගලයෙක් වයිෆයි වල වැදගත්කම හෝ අන්තර්ජාලයේ වැදගත් කම නොදන්නා බවත් ඔවුන් දන්නේ හම්බකර ගැනීම සහ ගොඩ වැඩිකර ගැනීම සහ බලයේ රැදී සිටීම පමණක් බව ඔහු පැවසුවේය.
