එම පා ගමන අවහිර කිරීම සඳහා පොලිසිය විසින් විශ්ව විද්‍යාල පරිශ්‍රය අවට මාර්ග බාධක යොදා තිබුණත් සිසුන් එය මගහරිමින් හයිලෙවල් මාර්ගය ඔස්සේ ප්‍රතිපාදන කොමිෂන් සභාව අසලට යාමට සමත්විය. පසුව එම ස්ථානයේදී පොලිසිය විසින් මාර්ග බාධක යොදා තිබුණු අතර එහිදී සිසු නියෝජිතයන් දස දෙනෙකුට විශ්ව විද්‍යාල ප්‍රතිපාදන කොමිෂන් සභාවේ සභාපතිවරයා සමඟ සකච්ඡා කිරීමට අවස්ථාව ලබා දී තිබුණි.
එහිදී ප්‍රතිපාදන කොමිෂන් සභාවේ සභාපතිවරයා 180% න් වැඩිව තිබූ පාඨමාලා ගාස්තු පෙර පැවති තත්ත්වයට අඩු කිරීමටත් පන්ති තහනමට ලක්වූ සිසුන්ගේ පන්ති තහනම අවලංගු කිරීමටත් එකඟ වී ඇති බව වාර්තා වේ.
විවෘත විශ්ව විද්‍යාලයේ ගාස්තු සම්බන්ධයෙන් දැවැන්ත අර්බුධයක් පැන නැගී තිබූ අතර වසර 30 ක් පුරාවට පැවති සාම්ප්‍රදායික විවෘත විශ්වවිදයාලයීය ගාස්තු සියයට දහයකින් වැඩිවී පසුව 180% ක් දක්වා වැඩිවී තිබූ බව පැවසේ .එය ගාස්තුවක් ලෙස දක්වනවානම් රු 10,000ක් වූ මුදල පසුව රුපියල් හැටදහස,ලක්ෂය දක්වා වූ වැඩිවීමකි.
මෙම වාරික ගාස්තුව ඉහළ යාම ඇතුලූ ගැටළු කිහිපයක් මුල් කරගනිමින් පසුගිය වසරේ දෙසැම්බර් 17 වැනිදා විවෘත විශ්වවිද්‍යාලයේ සිසුන් සත්‍යග‍්‍රහයක් ආරම්භ කළේය.
උසස් අධ්‍යාපන අවශ්‍යතා සපුරා ගැනීමට යොමුව සිටීන, විශේෂයෙන්ම ලක්ෂ ගනනින් මුදල් අය කෙරෙන පුද්ගලික පාඨමාලා සඳහා වියදම් කිරීමට අතමිට නැති පවුල්වල දරුවනට මෙම විවෘත විශ්ව විද්‍යාලය යම් අස්වැසිල්ලක් වූ අතර පාඨමාලා ගාස්තු වැඩි කිරීම හරහා ඔවුන්ට සිදු වුවේ බලවත් අසාධාරණයකි.
ඡායාරූප : නිශාන්ත ප්‍රියදර්ශන
