ජනවාරි 8 දා මේ රටේ ජනතාව දිනාගත් යහපාලනය ඉදිරියට ගෙන යෑමට ජනතා විමුක්‌ති පෙරමුණද දායක වන බැවින් තම විකල්ප කණ්‌ඩායම මෙම ඉල්ලීම කරන බවද සුබසිංහ මහතා සඳහන් කළේය.
ඊයේ (29දා) පෙරවරුවේ කොළඹ සමාජයීය හා සාමයික කේන්ද්‍රයේ පැවැති ශ්‍රී ලංකාවේ කොමියුනිස්‌ට්‌ පක්‍ෂයේ විකල්ප කණ්‌ඩායම පැවැත් වූ මාධ්‍ය හමුවකට එක්‌වෙමින් ඔහු මේ කරුණු සඳහන් කළේය.
මේ රටේ බහුතර ජනතාව ප්‍රජාතන්ත්‍රවාදය හා යහපාලනය සඳහා ජනවාරි 08 දා ලබා දී ඇති තීන්දුව ආපසු හැරවීමට ඉඩ දෙන්න බෑ. මේ ජනතා ජයග්‍රහණය වෙනස්‌ කරන්න අද මහින්ද රාජපක්‍ෂ උත්සහ දරනවා. එය පරාජය කළ යුතුය.
මේ රටේ යහපාලනයක්‌ ඇති කරලීමට රනිල් වික්‍රමසිංහ මහතා ඇතුළු ඒ කණ්‌ඩායම ගනු ලබන උත්සාහයට අපගේ පූර්ණ සහය ලබා දෙන බවද සුබසිංහ මහතා සඳහන් කළේය.
දිවයින
