කුරුණෑගල පිහිටි සිය නිවසේදී අද (30) උදෑසන කැඳවා තිබූ මාධ්‍ය හමුවකට එක්වෙමින් නියෝජ්‍ය අමාත්‍යවරයා මේ බව සඳහන් කළේය.
මහමැතිවරණයට තවත් සති දෙකහමාරක පමණ කාලයක් ඉතිරිව තිබියදී ඔහු ඉල්ලා අස්ව තිබේ.
නව කැබිනට් මණ්ඩලය දිවුරුම්දීමත් සමග තවත් සති තුන හතරක් යන්නට පෙර එම තනතුර ඉබේම අහෝසිවන්නටද නියමිතව ඇත.
අමාත්‍ය මණ්ඩලය තුළ නිදහස් පක්ෂය නියෝජනය කරමින් අමාත්‍යවරු, රාජ්‍ය අමාත්‍යවරු සහ නියෝජ්‍ය අමාත්‍යවරු 35 දෙනෙකු කටයුතු කළේය.
ජනක බණ්ඩාර තෙන්නකෝන්, සී.බී.රත්නායක, ඩිලාන් පෙරේරා, පවිත්‍රා වන්නිආරච්චි, මහින්ද යාපා අබේවර්ධන, තිස්ස කරලියැද්ද, එරික් ප්‍රසන්න වීරවර්ධන, සුදර්ශනී ප්‍රනාන්දුපුල්ලේ, ලසන්ත අලගියවන්න එසේ ඉවත් වූ අමාත්‍යවරුන්ය.
අද සිය ධුරයෙන් ඉවත් වූ ශාන්ත බණ්ඩාර නියෝජ්‍ය අමාත්‍යවරයාද සමග නිදහස් පක්ෂය නියෝජනය කළ අමාත්‍යවරුන්, රාජ්‍ය අමාත්‍යවරුන් සහ නියෝජ්‍ය අමාත්‍යවරුන් 10 දෙනෙකු මේ වනවිට සිය ධුරවලින් ඉල්ලා අස්වී තිබේ.
මැතිවරණය අාසන්නයටම පැමිණ මෙසේ ධුර වලින් ඉවත් වන්නේ මනාප වැඩි කර ගැනීමේ අභිලාෂයෙන් බව දේශපාලනඥයින් කිහිප දෙනක්ම පසුගිය දිනවල සදහන් කළේය.
