දහම් පාසල් 432ක් සඳහා රුපියල් 25,000 ගනනේ මෙම පොසොන් පොහෝදා බෙදාහැරීම සඳහා යනුවෙන් මෙම මුදල ඉල්ලා ඇති අතර ඒ සඳහා ටෙලිකොම් ආයතනයේ අනුමැතිය ද ලැබී තිබේ.
ටෙලිකොම් ආයතනය අර්ධ රාජ්‍ය සමාගමක් වන අතර, එහි සභාපතිවරයා වන්නේ ජනාධිපතිවරයාගේ සොහොයුරු කුමාරසිංහ සිරිසේන මහතාය. මෙම ආයතනය මංගල සමරවීර ඇමැතිවරයාගේ විෂය පතයට අයත් ආයතනයකි.
පසුගිය ජනාධිපතිවරණයේදී මෙම ආයතනයේ මුදල් කෝටී ගන්නක් මහින්ද රාජපක්ෂගේ මැතිවරණ ව්‍යාපාරය වෙනුවෙන් යොදා ගත් බව අප විසින් දිගින් දිගටම තොරතුරු හෙළි කළ අතර එම කිසිදු චෝදනාවක් සම්බන්ධයෙන් පරීක්ෂණයක් හෝ පැවැත්වූයේ නැත. එමෙන්ම නව සභාපතිවරයා ද එම ආයතන්යේ දුෂිත නිළධාරීන් සමඟ සමීප ඇසුරක් පවත්වමින් සිටින බවද හෙළි විය.
ඒ කෙසේ නමුත් ටෙලිකොම් ආයතනයේ මුදල් සජිත් ප්‍රේමදාසගේ හෝ වේවා අන් කවරෙකුගේ හෝ වේවා මැතිවරන කටයුතු වෙනුවෙන් යොදා ගැනීමට අයිතියක් නැත. එම මුදල රටේ ජනතාවට අයත් දෙපලකි. එනම් රජයේ දේපලකි. පොසොන් පොදා පින්කමක් ලෙස මේ කෙනෙකුට අර්ථ ගැන්විය හැකි මුත් හිටපු ජනාධිපතිවරයාද මෙලෙස සිල් රෙදි සිවුරු ආදිය මැතිවරණය වෙනුවෙන් බෙදා හැරියේය.
යහපාලනය ඇති කරන්නේ යයි කියමින් බලය ලබාගෙන රාජපක්ෂලා කළ මජර පාලන ක්‍රමයටම නැවතත් පාලකයෝ ඇදී යමින් තිබීම මෙරටේ ජනතාව ගොනාට ඇන්ද වීමකි.මෙවැනි දේශපාලන තක්කඩින්ට යළි බලය ලබා දෙන්වාද යන්න ජනතාව කල්පනා නොකළ හොත් රෑ වැ‍ටුන් වළේ මහ දවාලෙත් වැටීමක් වනු ඇත..
