එම සිද්ධියට අදට (01) වසර දෙකක් සම්පූර්ණ වෙයි. උද්ඝෝෂකයන්ට පහර දීමෙන් හා වෙඩි තැබීමෙන් යුද හමුදාව බලය අයුතු ලෙස භාවිත කර ඇතැයි අනාවරණය වූ බව ශ්‍රී ලංකා මානව හිමිකම් කොමිසම කියා තිබිණි.
තරුණ ජනමාධ්‍යවේදීන්ගේ සංගමය කියනුයේ සිද්ධියෙන් තුවාල ලැබූ කිසිවකුට මෙතක් වන්දි ලබා දී නැති බවයි. සිද්ධියේදී පීඩනයට පත් වූ මාධ්‍යවේදීන්ට ද මෙතෙක් සාධාරණයක් ඉටුවී නැති බව ද එම සංගමය සදහන් කරයි.
රතුපස්වලට යුද හමුදාව ගෙන්වූ හා වෙඩි තැබීමට අණ කළ පිරිසට එරෙහිව හැකි ඉක්මනින් නීතිය ක්‍රියාත්මක කරන ලෙස ද, අගතියට පත්වූවන්ට වන්දි ලබා දෙන ලෙස ද රජයෙන් ඉල්ලන තරුණ ජනමාධ්‍ය වේදීන්ගේ සංගමය හැකි ඉක්මනින් එවැන්නක් සිදු නොවුනහොත් එම ජනතාව සමග දැඩි ක්‍රියාමාර්ගයක් ගන්නා බව ද පවසයි.
නැවත මෙවන් ක්‍රියාවන් ඇති නොවීම සඳහා ආදර්ශයක් ලෙස වගකිව යුත්තන්ට උපරිම දඬුවම් පැමිණවිය යුතුය. නමුත් එය 'පහත් තැනින් ජලය ගලා යාමක්' පමණක් ම නොවිය යුතුය. බොහෝ වංචා දූෂන සිද්ධීන් වලදී දඩුවම් ලැබීම් හා බන්ධතාගාර ගත වීම් වලට ලක්වූයේ හාල්මැස්සන් පමණි.තෝරුන් හා මෝරුන් නිදැල්ලේම පසුවිය. අද ගනී අද ගනී යැයි බලන් සිටියද තවමත් ඔවුන් නිදැල්ලේමය.වතුර ඉල්ලද්දී උණ්ඩ වලට බිලිවීමට සිදු වීම මහපොළව නුහුලන අපරාධයකි. මේ නිසා මේ සිදුවීමට වගකිය යුතු තෝරුන් මෝරුන් දඬුවම් ලැබිය යුතුමය.
සබැදි පුවත්
