මැදවච්චිය සිට අනුරාධපුර දෙසට ධාවනය වූ වෑන් රථයක් එම ස්ථානයේ සිටි පිරිස යටකර පළාගොස් ඇති බව සඳහන්ය.
වෑන් රථය පදවා ඇත්තේ අනුරාධපුර පොලිසියට අනියුක්තව සේවය කරන සී. අයි. කුමාරසිරි නැමැති අපකීර්තිමත් ප්‍රධාන පොලිස් පරික්ෂකයා බව ද පොලිස් හෙළිව තිබේ.
මිට පෙර මොහු වැලිකඩ පොලිස්ථානයේ සේවය කරන කාලයේහි හිටපු ආරක්ෂක ලේකම් වරයාගේ බැලමෙහෙවර කරමින් සිටි අයකි. ගංජා පානය කිරීම, පොලීසියට පැමිණෙන ස්ත්‍රීන් අපහරණය කිරීම සම්බන්ධයෙන් මොහුට චෝදනා එල්ල වී ඇත.
මෙම අනතුරේදි බරපතළ තුවාල ලැබූ පිරිමි පුද්ගලයින් 04 දෙනෙකු සහ එක් කාන්තාවක් රෝහල් ගත කර ඇති අතර එක් පිරිමි පුද්ගලයෙකු එහිදි ජිවිතක්ෂයට පත්ව ඇති බව පොලිස් මාධ්‍ය ප්‍රකාශක සහකාර පොලිස් අධිකාරි රුවන් ගුණසේකර මහතා පැවසුවේය.
මෙලෙස මියගොස් ඇත්තේ 22 හැවිරිදි තරුණයෙක් බව වාර්තාවෙයි.
තුවාල ලෑබුවන්ගෙන් දෙදෙනෙකුගේ තත්ත්වය බරපතළ බවද රෝහල් ආරංචි මාර්ග සඳහන් කළේය.
මෙම අනතුර වන විට මොහු රාජකාරියෙහි යේදී සිටියකු (on duty) වූවත් ඔහුගේ මැස්ඩා බොන්ගො වර්ගයේ පෞද්ගලික වැන් රථයෙන් වෙනත් කටයුත්තක් සඳහා යමින් සිට ඇත.
මේ වන විට අදාළ සැකකාර පොලිස් නිලධාරියා මිහින්තලය පොලීසිය විසින් අත්අඩංගුවට ගෙන ඇති බව පොලිස් මාධ්‍ය ප්‍රකාශක කාර්යාලය සඳහන් කර සිටියේය. වැන් රථයේ තිබී ගංජා සුරුට්‍ටු කිහිපයක්ද පොලීසිය සොයාගෙන ඇත.
